သတင်းအထွေထွေဖတ်ခြင်းသည်အကောင်းနှင့် အဆိုးအမြင်ဝေဖန်ခွဲခြားနိုင်ရန်ဖြစ်ပါသည်..

Wednesday, 29 June 2016

အသက်နှင့်ထပ်တူ နိုင်ငံတော်အတွက် သံချပ်ကာလူများ




ထိုနေရာသို့ ရဲမေအများစု မလာချင်ကြ။ ပင်ပန်းလွန်းသည်ဆိုသောအကြောင်းပြချက်နှင့် ဖြစ်သည်။ သူတို့ပေးသည့် အကြောင်းပြချက်က ခိုင်လုံသည်။ ရက်သတ္တ ၁၂ ပတ်လုံးလုံး ပြင်းထန်သည့်လေ့ကျင့်ခန်းများကို စဉ်ဆက်မပြတ် လုပ်ရသည်။ နားချိန်အနည်းငယ်သာ ရှိသည်။ ကျန်သည့်အချိန်တိုင်းက ကိုယ်ကာယလေ့ကျင့်ခန်း၊ ပစ်ခတ်ရေး လေ့ကျင့်ခန်းများ၊ တိုက်ခိုက်ရေးနှင့် ဆိုင်သည့်သင်ကြားမှုတို့ ကိုသာ လုပ်ကြရသည်။ အထူးအား ဖြင့် လက်ဝှေ့၊ သိုင်း၊ တိုက်ကွမ်ဒို၊ ဂျူဒို၊ သူတစ်ပါးအသက်ကိုကယ်နိုင်သည့် ရေကူးခြင်း၊ အမြင့်ခုန်၊ ပစ်ချက်တိုင်းမလွဲမည့် သေနတ်ပစ် အစရှိသည်တို့လည်း ကျွမ်းကျင်သည်အထိ သင်ကြားကြရသည်။


ညပိုင်း နားချိန်တွင်လည်း လွတ်လွတ်လပ်လပ် နားခွင့်မရကြ။ ရုပ်ရှင်၊ ဗီဒီယိုနှင့် ဇာတ်လမ်းများ ကြည့်ရသေးသည်။ ချစ်ခန်းကြိုက် ခန်း၊ မိသားစုဇာတ်လမ်းနှင့်ရယ်ရွှင် ဖွယ်ကောင်းသည့် ဇာတ်လမ်းများ တော့ မဟုတ်။ သတ်ခန်း၊ ဖြတ်ခန်းနှင့် အတိုက်အခိုက်ခန်းများကိုသာ ဦးစားပေးသည့် ဇာတ်လမ်းတို့ဖြစ်သည်။ ဇာတ်ကားများ မကြည့်ရသည့် နေ့များတွင်လည်း အေးအေးဆေးဆေးနှပ်ခွင့်မရှိ။ လူကြီးများက တိုက်ရေး၊ ခိုက်ရေးအကြောင်းတို့သာ လာပြောနေ၍ဖြစ်သည်။
” အဲဒီလိုလုပ်မှပဲ ဖြစ်မှာလေ။ မဟုတ်လို့ကတော့ အဆင်မပြေ ဘူး၊ သူတို့ အကာအကွယ်ပေးရ မယ့်သူတွေက အရေးကြီးပုဂ္ဂိုလ် တွေ ဖြစ်နေလို့” ဟု ရဲမှူးဥမ္မာက ပြောသည်။ ထိုသို့ ကြမ်းကြမ်းတမ်းတမ်း ဆောင်ရွက်နေခြင်းက သာမန်ခံနိုင်ရည်အင်အားမှ အတိုင်းအတာတစ်ခုထိ ရှိလာအောင် ၊ ယင်းမှ တစ်ဆင့် ခံနိုင်ရည်အားထက် လွန်မြောက်သည့် အင်အားဖြစ်လာအောင် လုပ်ပေးနေခြင်းဟု သူက ရှင်းပြသည်။
 
”သင်တန်းပြီးသွားလို့ ရှိရင်တစ်ရက်၊ နှစ်ရက် အစားမစားဘဲနဲ့ အလုပ်လုပ်နိုင်သွားတယ်။ နဂို မူလနဲ့ ဘာမှမဆိုင်တော့ဘူး ခံနိုင် ရည်တွေရှိလာပြီး အစစအရာရာ ပြောင်းလဲသွားတယ်” ဟု ရဲမှူးက ယုံကြည်ချက်အပြည့်အဝနှင့် ဆိုသည်။ လုပ်သက် ၁၈နှစ် အတွေ့အကြုံအရ ထိုစကားကို ပြောခြင်း ဖြစ်သည်ဟု ဆိုပြီး လေးနက်သည့် တာဝန်ကို ပေးအပ်သွားမည့် အစပျိုးသော သင်တန်းဖြစ်သည့်အတွက် သင်ကြားရေးအပိုင်း၌ အလျှော့ လုံးဝပေးမည်မဟုတ်ဟု သူက ဆက်ပြောသည်။ ပင်ပန်းသည်ဟု ရဲမေအချို့ ပြောနေကြသည့် ထိုသင်တန်းက အစပျိုးသည့်သင်တန်းတစ်ခုသာ ဖြစ်သည်ဟုဆိုလျှင် ထိုထက်ပြင်းထန်သော တန်းမြင့်သင်တန်းများ၊ မွမ်းမံသင်တန်းများက ဆိုဖွယ်ရာရှိတော့မည်မဟုတ်။ နိုင်ငံတော်အဆင့် အရေးကြီး ပုဂ္ဂိုလ်တို့၏လုံခြုံမှုကို အကာအ ကွယ်ပေးသွားမည့် သူများအား မွေးထုတ်ပေးနေသည့် ထိုသင်တန်းကို မြန်မာနိုင်ငံရဲတပ်ဖွဲ့ဌာနချုပ်က ဖွင့်ထားသည်။
အကြမ်းဖက်မှုများ၊ ရာဇဝတ်မှုများ၊ အထူးလုံခြုံရေးများနှင့် ရဲတပ်ဖွဲ့၏ လိုအပ်ချက်လုပ်ငန်းတာဝန်များ ဖြည့်ဆည်းဆောင်ရွက်နိုင် ရန် အမျိုးသား ၃၆ ဦးနှင့် လွန်ခဲ့ သည့် ၂ဝဝဝ ခုနှစ် ဇန်နဝါရီလ ၉ ရက်နေ့ကဖွဲ့ခဲ့သည့် အထူးတာဝန်တပ်ဖွဲ့ (ယခုအကြမ်းဖက်မှုတိုက်ဖျက်ရေးဌာန)က တာဝန်ယူကြီး ကြပ်သည်။ ယခင်က ထိုအဖွဲ့သည် ရန်ကုန်တွင် အခြေစိုက်သည်။ အရေးကြီးပုဂ္ဂိုလ်တို့၏ လုံခြုံရေးထက် နယ်မြေလုံခြုံရေးကို ဆောင်ရွက် နေသည့်နယ်မြေရဲတို့နှင့် ပူးပေါင်း တာဝန်ထမ်းဆောင်ရသည်။ ဒုစ ရိုက်နှိမ်နင်းရေးဌာနစုတွင် အများစုတာဝန်ထမ်းဆောင်ရသည်။ တရားခံများ ဖမ်းဆီးရေးကို အများဆုံး ဆောင်ရွက်ရလေ့ရှိသည်။ ထိုတာဝန်များကို ဆောင်ရွက်နေရင်း လေ့ကျင့်မှုကို မပြတ်လုပ်နေကြသည်။ လေယာဉ်ပေါ်တွင် လေ့ကျင်ခြင်း၊ ရထားပေါ်တွင် လေ့ကျင့်ခြင်း၊ ရေယာဉ်များပေါ် လေ့ကျင့်ခြင်းတို့အထိ ဆောင်ရွက် ခဲ့ကြသည်။
၂ဝ၁၁ ခုနှစ် အရောက်တွင် ရန်ကုန်မှ နေပြည်တော်သို့ ပြောင်း ရွှေ့လာပြီး အရေးကြီးပုဂ္ဂိုလ်တို့ ၏ လုံခြုံရေးကို အထူးတာဝန်တပ်ဖွဲ့အမည်ဖြင့် စတင်ယူခဲ့ကြသည်။ ၂ဝ၁၅ ခုနှစ် ဒီဇင်ဘာ ၁ ရက်နေ့ အရောက်၌ အထူးတာဝန် တပ်ဖွဲ့အမည်ကို အကြမ်းဖက်မှု တိုက်ဖျက်ရေးဌာနဟု ပြောင်းလဲ ခဲ့ပြီး ဖွဲ့စည်းပုံ တိုးမြှင့်ခဲ့သည်။ ထိုအချိန်များမှာပင် သင်တန်းများကို လိုအပ်ချက်ပေါ်မူတည်ပြီး ဆက်တိုက်ဖွင့်နေသည်။ နေရာက နေပြည်တော် အပြည်ပြည်ဆိုင်ရာလေဆိပ် အလွန် တွင်ရှိသည့် ရဲတပ်ရင်း(၁၇)ထဲတွင် ဖြစ်သည်။ သီးသန့်နေရာမရှိ၍ တပ်ရင်းမှ နေရာတစ်ခုတွင် လေ့ကျင့်သင် ကြားရေးများ ပြုလုပ်နေရသည်။ ထိုသင်တန်းကို ရဲသင်တန်းတက်ထားသည့်ရဲများသာ တက်နိုင်သည်ဟု သတ်မှတ်ထားသည်။ ယခင်ဖွင့်ခဲ့သောသင်တန်းအချို့တွင်မူ ပြင်ပမှ တိုက်ရိုက်ခေါ်ခဲ့သည်ကို တွေ့ရသည်။ တက်ချင်တိုင်းလည်း တက်လို့ မရ။ စိစစ်ရွေးချယ်မှုဖြင့် ခေါ်ယူ ခြင်းဟု သင်တန်းနည်းပြတို့ကဆို ကြသည်။ ထိုမျှမကသေး ၂၄ နှစ် အောက်ရှိသူသာ လက်ခံပြီး၊ ကျန်း မာရေးကိုလည်း အထပ်ထပ်စစ် ဆေးသည်။ ယင်းအပြင် သင်တန်း တက်နေရင်း ခံနိုင်ရည်မရှိသူတို့ ကို မိခင်ဌာနသို့ ချက်ချင်းပြန်ပို့တတ်သေးသည်။
ယခု နေပြည်တော်၌ ၂ဝ၁၆ ခုနှစ် ဇွန်လ ဒုတိယအပတ်ကဖွင့် နေသည့်သင်တန်းက အမျိုးသမီး သီးသန့်သင်တန်းဖြစ်သည်။ နိုင်ငံ တော်အတိုင်ပင်ခံပုဂ္ဂိုလ်က အမျိုးသမီးဖြစ်သဖြင့် အမျိုးသမီးတပ်ဖွဲ့ ဝင်တို့ကို ပိုလိုအပ်သည်။ နိုင်ငံအတွက် အဖိုးမဖြတ်နိုင် သည့် သူတစ်ဦးဖြစ်၍ လုံခြုံရေးကို အထူးတင်းကျပ်ရန်အတွက် ဖြစ်သည်။ ယင်းသင်တန်းသို့ လတ်တလော အယောက် ၉ဝ ကျော်တက်နေသည်။ ပြန်လည်စိစစ်မှုများ လည်းရှိသေးကြောင်း တာဝန်ရှိသူတို့က ပြောကြသည်။ သင်တန်းသူတို့ ယခုသင်တန်း ပြီးဆုံးသွားလျှင် တာဝန်ချက်ချင်း ထမ်းဆောင်ခွင့်ရသည် မဟုတ် သေး။ အထပ်ထပ် စစ်ဆေးပြန် သည်။ စိတ်ချရမှသာ တာဝန်ပေးတတ်သည်။ တပ်ဖွဲ့ဝင်တစ်ဦး ဖြစ်သွားလျှင် ပြောက်ကျားဘောင်းဘီနှင့်အင်္ကျီအနက်၊ ပြောက်ကျားအင်္ကျီနှင့် ဘောင်းဘီ၊ ဆာဇာရီ နက်ပြာဝမ်းဆက်၊ အနောက်တိုင်းဝတ်စုံ အစ ရှိသည်တို့က သူတို့၏ ယူနီဖောင်း ဖြစ်သည်။ အကြမ်းဖက်မှုတိုက်ဖျက်ရေးဌာနမှ ဒုတိယရဲမှူးကြီးအဆင့်ရှိသူတစ်ဦးက ”အမိန့်နာခံမှု၊ ယုံကြည် ချက်ရှိမှု၊ ခံယူချက်ရှိမှု ဒါတွေမရှိဘဲ မရဘူးလေ။ သူတို့ကို သေနတ်အမြဲ တမ်း ပေးထားရတာ”ဟု အထပ်ထပ် စစ်ဆေးရမှုအကြောင်းကို ရှင်းပြသည်။
နိုင်ငံတော်သမ္မတနှင့် ဇနီး၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ဒုတိယသမ္မတများနှင့် ၎င်းတို့၏ဇနီး၊ စုစု ပေါင်း ၇ ဦးတို့ သွားလေရာ ပြည်တွင်းပြည်ပသို့ ၎င်းတို့လိုက်ရသည်။ ထို့အပြင် နိုင်ငံတော်အဆင့်ရှိ ပြည်ပမှ ဧည့်သည်တော်တို့လာလျှင်လည်း အနီးကပ်နေရသေးသည်။ထို့ကြောင့် တစ်ချက်မှား၍ မရ။ ဒုတိယသမ္မတဦးမြင့်ဆွေ၏ ဇနီးကိုအနီးကပ်လုံခြုံမှု ရယူပေး နေရသည့်အသက် ၂၃ နှစ်အရွယ် ရှိ ရခိုင်ပြည်နယ်မှ အမျိုးသမီးလုံ ခြုံရေးအဖွဲ့ဝင်တစ်ဦးက ”အစစ အရာရာတာဝန်ကြီးပါတယ်” ဟု ပြောသည်။ သူမလည်း ထိုသင်တန်းဆင်းတစ်ဦးဖြစ်သည်။ တန်းမြင့်သင် တန်းလည်း ပြီးဆုံးသွားသူ တစ်ယောက်။ ယခု ၂ဝ၁၆ ခုနှစ် ဇွန်လ ဒုတိယ အပတ်မှစကာ နေပြည် တော်၌ သင်တန်းပေးနေသည့် အမှတ်စဉ် (၁ဝ) ရှိရာ နေရာရှိ လေ့ကျင့်ရေးခန်းမ တစ်ခုထဲသို့ လေ့ကျင့်ရေးလာလုပ်နေရင်း ပြော ခြင်းဖြစ်သည်။ ”လေ့ကျင့်မှုက ပြတ်သွားလို့ မရဘူး။ နားချိန်တိုင်းလာတယ်။ အစဉ်သတိရှိမှ ရမယ်လေ” ဟု သူမကပြောသည်။ ထိုနေရာသို့ ၎င်းနည်းတူနိုင်ငံ၏ အရေးကြီးပုဂ္ဂိုလ် ၇ ဦးတို့အား အကာအကွယ်ပေးနေသူ အချို့လည်း လေ့ကျင့်ရေးလာလုပ်ကြသည်။ အားလုံးက အချင်းချင်းစကား ပြောလျှင် ပွင့်လင်းမှုရှိသလောက်၊ သူစိမ်းတို့နှင့် စကားပြောလျှင် လေ့ကျင့် သင်ကြားပေးထားမှုတို့ အရ ထိန်းထိန်းသိမ်းသိမ်း သတိ နှင့် ပြောကြသည်ကို တွေ့ရသည်။ အားလုံးကို သတိနှင့်ကြည့်ကြ သည်။ အဆင်သင့်အနေအထား ဖြစ်နေသည်ကိုလည်း တွေ့ရသည်။
ဒုတိယသမ္မတ ဦးဟင်နရီ ဗန်ထီးယူ၏ ဇနီးအား လုံခြုံရေးရယူပေးသည့် အဖွဲ့ထဲပါသည့် ကချင်တိုင်းရင်းသူလုံခြုံရေးအဖွဲ့ဝင်အမျိုးသမီးတစ်ဦးက ”အရေး ကြီးပုဂ္ဂိုလ်က ကျွန်မတို့အတွက် အရေးအကြီးဆုံးပဲ။ ကိုယ့်အသက်ထက်ကို သူတို့ကတန်ဖိုးရှိတယ်”ဟုပြောသည်။ နိုင်ငံတော်အတိုင်ပင်ခံပုဂ္ဂိုလ်၏ လုံခြုံရေးကို ရယူပေးနေသူကို မေးကြည့်ရာတွင်တော့ ၎င်းက ဘာမှမပြော။ လေ့ကျင့်စရာ ရှိသေးသည်ဟု ပြောပြီးသင်တန်းခန်းထဲ ဝင်သွားသည်။ကျန်သည့်သင်တန်းသား အသစ်တို့နှင့်တန်းမြင့်သင်တန်း ဆင်းပြီးသူ အချို့ကို လက်ရှိဘဝ ရွေးချယ်ဖြစ်ခဲ့ပုံကို မေးကြည့်ရာ ဖြေကြားသည့် အဖြေက မတူကြ။ သို့သော် ဂုဏ်ယူသည်ဆိုသည့် စကားကတော့ တူကြသည်။
အရေးကြီး ပုဂ္ဂိုလ်တို့ကို လက်ရှိ တာဝန်ယူပေးနေသည့် အမျိုးသမီး တပ်ဖွဲ့ဝင်တစ်ဦးက ”သင်တန်း တက်နေစဉ်တုန်းကတော့ အရမ်းပင်ပန်းတော့ ထွက်ပြေးချင် စိတ်ပေါက်တယ် ခဏခဏပဲ။ မှားပြီလားလို့လည်း ခဏခဏ တွေးမိတယ်။ ဒါပေမဲ့ သင်တန်းပြီးလို့ တကယ်အရေးကြီးတဲ့ပုဂ္ဂိုလ်တွေရဲ့ လုံခြုံရေးကို ကာကွယ်ရတာ၊ အရေးကြီးတဲ့အလုပ်ကို လုပ်နေ တာလို့ ခံစားမိတော့ ပင်ပန်းပေ မယ့်လည်းဂုဏ်ယူပါတယ်။ အခြား ကိုယ်နဲ့ ရွယ်တူမိန်းကလေးတွေ ပျော်နေပါးနေချိန်မှာ ကိုယ်ကတာဝန်အလေးကြီးနဲ့ဆိုတော့ တစ်ခါခါတော့ ဖီးလ်ဖြစ်တာပေါ့။ ဒါပေမဲ့ အရမ်းကြီးတော့လည်း မဖြစ်တော့ပါဘူး။ ဘာလို့လဲဆို တော့ ဒါက ကိုယ်ရွေးချယ်ခဲ့တဲ့လမ်းပဲလေ” ဟု ဆိုသည်။ ထိုသို့ပြောပြီး ရုတ်တရက် ထထွက်သွားကာ အမျိုးသားနှစ်ဦး နှင့် တိုက်ခိုက်ရေး လေ့ကျင့်ခန်းကို ပြန်လုပ်နေသည်။ သူမနည်းတူ သင်တန်းသူအသစ်တို့ကလည်း လေ့ကျင့်ရေး ဆင်းနေကြသည်။ လေ့ကျင့်ရေးလာလုပ်နေသည့် တန်း မြင့် သင်တန်းဆင်းနေသူ အမျိုးသားတပ်ဖွဲ့ဝင်တစ်ဦးက ၎င်းတို့ ယခု ရက်ထဲ ပြင်းပြင်းထန်ထန်လေ့ကျင့် နေရသည်ဟု ဆိုသည်။ ထိုးသတ်မှုတစ်ခုတည်း မဟုတ်ဘဲ၊ သေနတ်ပစ်၊ အမြင့်ခုန် အစရှိသည်တို့ အားလုံးကိုဟု သူကဆိုသည်။ လာမည့်လထဲတွင် နိုင်ငံတော် အတိုင်ပင်ခံပုဂ္ဂိုလ် ဒေါ်အောင် ဆန်းစုကြည်အား အကြမ်းဖက်မှု တိုက်ဖျက်ရေးဌာန မျိုးဆက်သစ် တပ်ဖွဲ့ဝင်များက စွမ်းရည် ပြသမှုတစ်ခု ရှိသည့်အတွက်ကြောင့်ဟု သူကပြောသည်။ ”ပြည်ထဲရေးဝန်ကြီးကို အရင် စွမ်းရည်ပြရမှာ။ ပြီးမှ နိုင်ငံတော်အတိုင်ပင်ခံပုဂ္ဂိုလ်ရှေ့ စွမ်းရည်ပြရမှာ။ သူတို့တွေ အားရဖို့လိုတယ်” ဟု ၎င်းကဆိုသည်။
သတင်းအချက်အလက် – စိုင်းလမင်း၊ ဖြိုးထက်အောင်
ဓာတ်ပုံ – ကိုမျိုး
The Voice




No comments:

Post a Comment

နောက်ဆုံးရပို့ စ်၂၀စာတင်ထား၍ဖတ်လိုပါကRead more သို့ ခေါင်းစဉ်စာသို့ အိုင်ကွန်အရုပ်ကလေးအားကလစ်လိုက်ပါ

Blogger Tips and TricksLatest Tips For BloggersBlogger Tricks

ဒီမှာတင်ပြီးသားနှင့် နောက်ဆုံးတင်ထားသောပို့ စ်အထွေထွေများစိတ်တိုင်းကျတစ်ခုခြင်းကလစ်၍ဖတ်နိုင်ပါတယ်