မြန်မာ့ ရိုးရာ ဆေးမီးတို(၁)

သွေးတိုးရောဂါအတွက် ကုထုံးလေးများ

........................................................

သွေးတိုးဟာ အသက်ကို ရန်ရှာတက်ပြီး သွေးတိုးလာပါက ခေါင်းမူး ခေါင်းကိုက်
ဇက်ထိုး ရင်တုန် အသက်ရူမ၀ အိပ်ရေးပျက် မျက်စိအာရုံကြောများချို့ယွင်းလာကာ
စိတ်မကြည်လင် လေငန်း နှလုံးရောဂါများ ရလာတက်သည်ဟု သိရပါသည်။
တက်နိုင်သမျှ သွေးပေါင်ချိန် ပုံမှန်နီးပါးရှိနေစေရန် အမြဲသတိထားရသည်။ သွေးတိုးလာပါက သွေးကျဆေးမှန်မှန်စားရန်မလိုဘဲ အစားအသောက်ဖြင့်ထိမ်းခြင်း ။ သွေးဖိအားစတက်ချိန် အစားအစာ အနေအထိုင်
ဆင်ခြင်ရပါသည်။
စိုးရိမ်စိတ် ပူပန်စိတ်မထားဘဲ သောကကင်းအောင် နေထိုင်၊ လမ်းလျှောက်ခြင်း
ကိုယ်လက်လှုပ်ရှားခြင်းဖြင့် ထိမ်းနိုင်ပါသည်။ ဆားများသောဟင်း ငါးပိ ငါးခြောက်
ဝမ်းတွင်းသား အုန်းနို့ တညင်းသီး ဒူးရင်းသီး၊ ၀က် ၊ ဘဲ၊ ငါးရှည့်၊ နွားနို့၊ထောပတ်၊
အချည်ဖောက်မုန့်၊ ရေခဲ၊ ငါးသလောက်၊ ငါးခူ၊ အချိုမှုန့်တို့ တိုင်းရင်းဆေးအရ
ရှောင်ရသည်။
ကျမ်းမာရေးကို ဂရုစိုက်တဲ့ နေရာမှာ မိမိသာအဓိကအကျဆုံးပုဂ္ဂိုလ်ဆိုတာ အမြဲသတိထားရပါမယ်။ သင်သွေးတိုးလာလျင် အလျင်းသင့်သလို၊ အဆင်ပြေသလိုသုံးနိုင်ရန် ဆန္ဒပြုရင်း စုဆောင်းမှတ်သား ဆေးနည်းတိုလေးများကို
ရေးသားတင်ပြလိုက်ပါတယ်။

.......................................................................

ညအချိန်မတော် သွေးတိုးလာပါက

အိမ်တွင်ဆေးခါးကြီးပင် စိုက်ထားပါက ဆေးခါးကြီးနှစ်ရွက်ကို အမြန်ဝါးစားလိုက်ပါ။
ဧကရာဇ်ရွက် ရေနွေးဖြော တို့စားပါ။
သွေးတိုး၊ခေါင်းကိုက်၊ ဇက်လေး
ခြေဖ၀ါးအလယ်ကို နှိပ်ပေးခြင်း၊ ခြေဖမိုးကိုပူနေအောင် သပ်ပေးခြင်းဖြင့် အသည်းအပူဓါတ်ကို လျော့စေသည်။ သွေးတိုးကျလာပါမည်။
သွေးအရမ်းတိုး၊ ရင်တုန်နှလုံးခုန်
ကွမ်းရွက်(၅)ရွက်၊ ရဲယို(၅)ရွက် ညီအောင် နှစ်ခုပြုလုပ်၍ အရည်ညစ်ပြီးသောက်။
ရဲယိုရွက်မရှိက ကွမ်းရွက် (၅) ရွက် အရည်ညစ်သောက်ပါ။
သွေးတိုး ဇက်ကြောတက်လာလျှင်
တရုပ်နံနံ ပဉ္စငါးပါးသတ္တုရည်ကို ဇွန်းဖြင့် ထည့်၊ ဖယောင်းမီးနှင့် အပူပေးသောက်ပါ။

သွေးတိုးကိုကြက်သွန်ဖြူစား၍ ကုသခြင်း

ကြက်သွန်ဖြူများများစားပါက အောက်သွေး(၁၅)ရာခိုင်နှုန်းအပေါ်သွေး(၁၀)ရာခိုင်နှုန်း လျှော့ချနိုင်ပြီး လေဖြတ်ခြင်း(၃၀) ရာခိုင်နှုန်း၊ နှလုံး(၅၀) ရာခိုင်နှုန်း
အချိုဓါတ် (၁၁) ရာခိုင်နှုန်းလျှော့ချနိုင်သည်။
အချို၊ အငံ အထူးလျှောင်၍ လမ်းလျှောက်လေ့ကျင့်ခန်းလည်း မှန်မှန်ပြုလုပ်
ပေးသင့်ပါကြောင်း . . . . . . . .

စောစန္ဒီဆွေ(မိတ္ထီလာ)
............................................................................................

အစာအိမ်ရောင်/အစာအိမ်နာအတွက်

နနွင်းမှုန့်ကို ပျားရည်ဖြင့် တေကာ အလုံးကလေးများလုံး၍ တစ်နေ့ သုံးကြိမ်
တစ်ကြိမ်လျှင် နှစ်လုံး စားသုံးနိုင်ပါသည်။

..............................................................................

မိန်းမတို့သွေး ဤဆေးပေး

ယောက်ျားမှာ အမွေး၊ မိန်းမ မှာသွေး ဟူသော ဆိုရိုးစကားကို လူတိုင်းကြားဖူးလိမ့်
မည်ထင်ပါသည်။ မိန်းမမှာသွေးဟူသော ဆိုရိုးစကားနှင့်အညီ မိန်းမတို့သည်
တစ်လတစ်ကြိမ် ရာသီသွေးမလာပါက ခေါင်းကိုက်၊ ခေါင်းမူး၊ ဆီးစပ်ကိုက်ခဲခြင်းများ၊ ဘာမှမလုပ်ချင် မကိုင်ချင် ဖြစ်သည့်အပြင် ရာသီမလာတာ
ကြာပါက ဖောက်ပြန်ကာ ရူးကြောင်ကြောင်ပင်ဖြစ်စေတက်ပါသည်။
စာရေးသူတွေ့ဖူးသော မိန်းကလေးတစ်ယောက်ဆိုလျှင် ရာသီမလာတာကြာခြင်း
ကြောင့် ကြောများဆိုင်း၊ သွေးများပိတ်ဆို့ကာ ခြေလှုပ်မရ လက်လှုပ်မရဖြစ်ကာ
စကားကိုပင် လေးလုံးကွဲအောင် မပြောနိုင်တောချေ။ ထိုကြောင့် မိန်းမတို့အတွက်
ရာသီသွေးမှန်မှန်လာရန် အရေးကြီးပါသည်။ အချို့မိန်းမပျိုများကလည်း ရာသီသွေးကိစ္စကို ရှက်စရာဟုထင်ကာ မိခင်အားလည်းဖွင့်မပြော၊ ကိုယ်ကိုယ်တိုင်
လည်းဘာမှမသိ ဘာမှမလုပ်တက်ဘဲ ဒီအတိုင်းနေသွားကြသဖြင့် မဖြစ်သင့်တာ
တွေ ဖြစ်ကြရပါသည်။ ထို့ကြောင့် မိခင်ဖြစ်သူများကလည်း မိမိတို့၏ သမီးပျိုများကို တစ်လတစ်ခါကိစ္စကို ဂရုစိုက်ပါရန် မှာကြားရင်း သွေးသားညီညွတ်
စေသော ကိုးပါးဆေးကိုဖော်ပြလိုက်ရပါသည်။
သွေးသားညီညွတ်စေသော ကိုးပါးဆေး
ကြံဟင်းမြစ်၊ကြွက်နှာမောင်းမြစ်၊ ခင်ဘုတ်မြစ်၊ ရှားကြီးမြစ်၊ ကျွဲပေါက်မြစ်၊

ဂုံလက်တို၊ ဂုံချို၊ ဂုံခါး၊ ဂုံဘောဓိ၊ မြင်းစဂုံ ၄င်းဆေးကိုးပါးကို အညီအမျှစီစု၍ အမှုန့်
ထောင်းကာ ပုလင်းဖြင့်လုံခြုံစွာထားပါ။ မိမိတို့ခန္ဓာကိုယ်ဓါတ်ဖြင့် ချင့်ချိန်ပြီး
ကွမ်းသီးလုံးခန့်စားပါလေ။ ဆားပုတ်နှင့်ဖြစ်စေ ဆားနှင့်ဖြစ်စေ စားပါ။သွေးသား
ညီညွတ်၍ စားလို့ကောင်း သောက်လို့ကောင်း ဖြစ်ပါလိမ့်မည်။ကြွက်နို့လည်း
ပျောက်ကင်းပါသည်။
နောက်တစ်နည်းမှာ
ငရုပ်ကောင်း လေးကျပ်သား
လေးညှင်း ငါးကျပ်သား ၄င်းဆေးနည်းကိုလည်း ရာသီသွေးမပေါ်ပါက ဆားဖုတ်ရည် နွေးနှင့်တိုက်ပါ။ ဓါတ်ချုပ်လျှင်ဆားစိမ်းနှင့်တိုက်ရမည်။

ထင်အောင်မိုး(မကွေး)

.....................................................................................

မြန်မာ့ရိုးရာ ဆေးနည်းတိုများ

မြန်မာ့ဆေးပညာ၏တိုင်းရင်းဆေးမြစ်ချင်းပြီး လက်တွေ့ဆေးနည်းတိုများအဖြစ်
ဆေးခန်းတွင် ကုသအောင်မြင်ခဲ့သော ဆေးနည်းများအပြင် ပြည်သူကြားတွင်
လက်ဆင့်ကမ်း ကျော်ကြားခဲ့သည့် ဆေးနည်းများ ဖြစ်ပါသည်။ ဤဆေးနည်းတိုများ
သည် မိမိ၏ကျမ်းမာရေး စောင့်ရှောက်မှုပြုရာတွင် ပမာဏကိုယ်တိုင် ကုသနိုင်သော ဆေးနည်းမျိုးဖြစ်သည်။ လက်တွေ့တွင် ပျောက်ကင်းသက်သာမှုကို
အများဆုံး အကျိုးပြုသော လက်ရွေးစင်ဆေးနည်းတိုများဖြစ်သည်။

ဆီးချုပ်ရောဂါ

ဗုဒ္ဓံ သရဏံပင် အပွင့်နုကိုဖြစ်စေ အသီးနုကိုဖြစ်စေ ရေနွေးဖြော တို့စားပေးခြင်း
သုပ်စားပေးခြင်းဖြင့် ဆီးနှင့် ပတ်သက်ပြီးခံစားနေရသော ဆီးနည်းခြင်း၊ ဆီးချုပ်ခြင်း
ဝေဒနာတို့ကို သက်သာပျောက်ကင်းနိုင်ပါသည်။မိမိ၏ရောဂါဝေဒနာ အနုအရင့်ကို
ချိန်၍ တစ်ရက်နှစ်ရက် ဆက်၍ စားပေးနိုင်ပါသည်။
ဆီးနှင့်ပတ်သက်၍ ဆီးချုပ်ရောဂါ ဝေဒနာရှင်များသည် ဆီးရွင်ဆေးတစ်လက်ကို
မိမိနေထိုင်မှာ ၀န်းကျင်တစ်ဝိုက်မှဖြစ်စေ ဟင်းရွက်တန်းများမှဖြစ်စေ ရနိုင်သော
ဟင်းနုနွယ်ကို ဆေးနည်းတို တစ်လက်ဖြင့် အသုံးပြုကုသနိုင်ပေသည်။
ကုသနည်းမှာ ဟင်းနုနွယ်အရွက်များ၊ ရိုးတန်များကို ငါးကျည်းခြောက်နှင့် ဟင်းချက်
စားပေးခြင်း၊ ကြော်စားပေးခြင်းဖြင့် ကုသမှုကိုဆောင်ရွက်နိုင်သည်။

ကျောက်ကပ်အားနည်းရောဂါ

ကျောက်ကပ်နှင့် ပတ်သတ်၍ ကျောက်ကပ်အားနည်းရောဂါဝေဒနာရှင်များအတွက်
အဖိုးတန်ဆေးနည်းတို တစ်ရပ်ကိုဖော်ပြလိုက်ပါသည်။ ဟင်းရွက်တန်းတွင် လွယ်
ကူစွာဝယ်ယူရရှိနိုင်သော ဂေါ်ရခါးသီးကို ဆိတ်သားနှင့်ဖြစ်စေ၊ ကြက်သားနှင့်ဖြစ်စေ ဟင်းချက်စားပေးနိုင်သည်။ သို့မဟုတ် ဂေါ်ရခါးသီးကို
သနပ်စားပေးခြင်း၊ ကြော်ချက်ချက်စားပေးခြင်း၊ ပြုတ်တို့စားပေးခြင်းဖြင့် ကျောက်ကပ်အားနည်းရောဂါကို လျှော့ပါးသက်သာစေနိုင်
သည်။ တညင်းသီးကို ကျောက်ကပ်အားနည်းသော ရောဂါရှင်များ၊ ကျောက်ကပ်နှင့် ပတ်သတ်သည့် ရောဂါဝေဒနာရှင်များ အထူးရှောင်သင့်ပါသည်။

ကျောက်တည်ရောဂါ

ကြက်ဟင်းခါးအဖိုပင်၏ အရွက်ကို ထုထောင်း၍ ရရှိသော အရည်(သတ္တုရည်)
နှစ်ကျပ်ရှစ်ပဲသားတွင် ဒိန်ချည်ရည် တစ်ကျပ်ရှစ်ပဲသားကို ရောစပ်ပါ။
ဤဆေးမှာ ဆေးတစ်ခွက်စာပင်ဖြစ်ပါသည်။
အထက်ပါဆေးကို သောက်နေစဉ် တွဲဖက်ကုထုံးအနေဖြင့် ဆန်ပုန်းရည် သုံးကျပ်
သားခန့်ကို ကုထုံးဆေးချက်အဖြစ်သောက်ပေးရပါသည်။ ဤနည်းစနစ်အတိုင်း
လေးရက်ဆက်၍သောက်ပေးပါ။ လေးရက်နားပါ။ နောက်ငါးရက်ဆက်၍သောက်
ပေးပါ။ ငါးရက်နားပါ။ ထို့နောက် ခြောက်ရက်ဆက်၍သောက်ပေးပါ။ ခြောက်ရက်
နားပါ။ ခုနစ်ရက်ဆက်၍သောက်ပေးပါ။ ခုနစ်ရက်နားပါ။ ဤကုသမှု အစီအစဉ်
အတိုင်းဆောင်ရွက်ပေးခြင်းဖြင့် ကျောက်တည်ရောဂါသည် စင်ကြယ်စွာ
သက်သာပျောက်ကင်းစေနိုင်ပါသည်။ ဤဆေးနည်းသည် ကျောက်ကြေဆေး၊
ဆေးနည်းတို တစ်လက်အဖြစ် မြန်မာ့ဆေးဆရာများ လက်သုံးအဖြစ် အသုံးပြုခဲ့သော မြန်မာ့မြစ်ချင်းပြီးဆေးနည်းဖြစ်ပါသည်။

ဆီးအောင့်ရောဂါ

ဆီးနှင့်ပတ်သက်၍ အများဆုံးကြုံတွေ့ရတက်သော ရောဂါစုတွင် ဆီးအောင့်ခြင်း
လည်းပါဝင်ပေသည်။ ဤရောဂါအတွက် ဆေးနည်းတိုအလက်မှာ စောင်းခါးသီး
အစိမ်းကို ငါးဖယ်နှင့်ချက်စားပေးခြင်းဖြင့် ဆီးအောင့်ခြင်းကို လက်တွေ့ ပျောက်ကင်းနိုင်ပါသည်။ ဆီးရွှင်ဆေးအဖြစ် ရေရိုးရိုးကို တပိုင်သောက်ပေးနိုင်ပါသည်။ ဆီးအောင့် ရောဂါဝေဒနာရှင်များအနေဖြင့် ရေခဲရေ
ကို အထူးရှောင်ကြည်သင့်ပါသည်။


ဆီးပုပ်ရောဂါ

ဆီးပုပ်ရောဂါသည် ကျယ်ဝန်းရှုပ်ထွေးစွာ တည်ရှိနေပါသည်။ အခါအခွင့်သင့်ချိန်တွင် အကျယ်တ၀င့် တင်ဆက်ပါဦးမည်။ယခုဆောင်းပါး၌
ဒေသပေါက်ဆေးပင်များနှင့် အလွယ်ကုထုံးကို တင်ပြဖို့အားလျှော်စွာ ဆေးဝါး
ဖော်စပ်အသုံးပြုနည်းကို တင်ပြလိုက်ရပါသည်။
ဇီးဖြူသီး အခြောက်မှုန့် တစ်ကျပ်သား၊ ပျားရည်စစ်စစ်နှင့်ဖြစ်စေ၊ ထန်းလျက်နှင့်
ဖြစ်စေ၊ သကာရည်နှင့်ဖြစ်စေ လွယ်လင့်တကူရရှိမည့် ပစ္စည်းတစ်မျိုးမျိုးဖြင့်သာ
စားပေးပါ။ ဆေးတစ်ခွက်စာ ပမာဏမှာ တစ်ကြိမ်လျင် လက်ဖက်စားဇွန်းတစ်ဇွန်း
သောက်ပေးနိုင်ပါသည်။ ဆေးကို တစ်နေ့သုံးကြိမ်သောက်ပေးပါ။ နံနက်တစ်ကြိမ်၊
နေ့လယ်တစ်ကြိမ်၊ ညတစ်ကြိမ်သောက်ပေးပါ

ဆီးလွန်ရောဂါ

ဇီးဖြူသီး၊ ငှက်ပျောသီးတို့ကို ရောစပ်၍ အရည်ထုတ်ပါ။ ရရှိသော အရည်ကို
ပျားရည်၊ သကြားတို့ဖြင့် ရောစပ်၍စားပေးခြင်းသည် ဆီးလွန်ခြင်းကို ပျောက်ကင်း
စေနိုင်ပါသည်။

ကျော်တင့်ဆွေ

............................................................................

ကိုယ်တွင်းရောဂါများကို အစွမ်းထက်ကာကွယ်ပေးသောအမျှင်

လူတို့ကိုယ်တွင်း၌ အစာအဆိပ်ဖြစ်ခြင်းနှင့် နှလုံးရောဂါ ၊ အစာအိမ်ကင်ဆာနှင့်
အူသိမ်အတွင်းဖြစ်သောရောဂါများကို လူတို့စားသောအစားအစာများတွင်(အမျှင်)
ပါသော အစားအစာများက ကာကွယ်ပေးနိုင်လေသည်။ (အမျှင်)ပါသောအစားအစာတို့မှာ ပဲမြစ်၊ မုန်လာဥကဲသို့သော အမြစ်နှင့် သစ်ဥများ၊ ဒန့်သလွန်နှင့် ရုံးပတီ ကဲ့သို့ အသီးများ၌လည်း (အမျှင်)များ ပါကြလေသည်။
၎င်းတို့သည် အမျှင်ကြမ်းများသာ ဖြစ်၏။ အမျှင်ကြမ်းများသည် အစာခြေရခက်သဖြင့် အစာအနေနှင့် အရေးမပါလှချေ။ ဖွဲနုတွင်ပါသော အမျှင်
မျိုးမှာ သာမာန်အားဖြင့် မမြင်နိုင်သော အမျှင်နုကလေးများဖြစ်သည်။ ၄င်းအမျှင်နု
များသည် ခန္ဒာကိုယ်ကို တစ်နည်းတစ်ဖုံ အထောက်အကူပြုကြလေသည်။
အမျှင်များသည် အစာခြေရခက်အဖြင့် ၀မ်းသွားရာတွင် ဒီအတိုင်းပြန်လာကြသည်။
ထိုကြောင့် အဟာရတန်ဖိုးလည်း မရှိဘဲ အစာတွင်ရှုပ်နေသော ပစ္စည်းများဟု
ယခင်ကထင်ခဲ့ကြသည်။ သို့သော် အမျှင်များသည် ၀မ်းပျော့ပျော့သွားစေသည်။
အနောက်နိုင်ငံများသည် အမျှင်ပါသော အစားအစာများကို
မစားသလောက်ရှိပါက နှလုံးရောဂါ ၊ အစာအိမ်ကင်ဆာနှင့် အူသိမ်တွင်ဖြစ်ပွားသော ရောဂါများနှင့် ဆက်စပ်နေကြောင်း သိပ္ပံ ပညာရှင်များက တွေ့ရှိလာကြသည်။ သွေးကြောထဲတွင်
ကိုလက်စထရော ဆိုသည့် အဆီများနေပါက နှလုံးရောဂါဖြစ်ဖို့များသည်ဟု လက်
ခံထားရာ ကိုလက်စထရော ပါဝင်မှုကို အမျှင်များကလျှော့ချပေးနိုင်လေသည်။
အမျှင်သည် ကိုယ်တွင်း၌ အဆိပ်ဖြစ်စေမည့် ပစ္စည်းအချို့ကိုလည်း စုပ်ယူနိုင်ပေသည်။ အမျှင်၏မကောင်းသော အချက်တစ်ခုမှာ အဟာရဓါတ်အချို့
သည် ၄င်းနှင့်ကပ်ညိပြီး ပြန်ထွက်သွားနိုင်ခြင်းဖြစ်သည်။ အထူးသဖြင့် ခန္ဒာကိုယ်၏
သတ္တဓါတ်စုပ်ယူနိုင်မှုသည် အမျှင်ကြောင့်နည်းသည်။ မည်သို့ပင်ဆိုစေ
အမျှင်များပါသော အစားအစာများကို လူတို့စားသုံးသင့်လှသည်။ ဥပမာ- သရက်သီး ၊ နာနတ်သီး ၊ ထန်းမြစ် ၊ ပဲမြစ် ၊ ဒန့်သလွန်သီး ၊ အာတာလွတ်ဥ ၊
ရုံးပတီသီး ၊ ကလောဥ ၊ မုန်လာဥ ကဲ့သို့သော အမျှင်ပါသော ဥများအပြင် ၊ အခြား
အမျှင်ပါသော အစားအစာတို့ကို၊ စားသုံးခြင်းဖြင့် လူတို့တွင်ဖြစ်တက်သော
နှလုံးရောဂါ၊ အစာအိမ်ကင်ဆာနှင့် အူသိမ်တွင်ဖြစ်ပွားတက်သော ရောဂါများကို
ပျောက်ကင်းနိုင်သည့်အပြင် လူတို့အတွက် သုံးတက်လျှင်အကျိုးရှိသော အမျှင်ပါ
အစားအစာများဖြစ်လေတော့သည်။

ဇင်ဝင်းထက်(ကိုးကား - ဦးတိုင်းအုပ်၏ အစာအဟာရသိပ္ပံ)

ခင်မင်ရသော ညီလေးမောင်ဇီဝက မြန်မာ့ ဆေးမီးတို ဆိုက်ထဲမှ ခွင့်ပြုချက်နှင့်  ကူးယူဝေမျှလိုက်ပါတယ်

ဂေါ်လီပါ-