ပဲခူးတိုင်း ဒေသကြီးအတွင်း ဖျက်ဆီးမှု ဖြစ်စဉ်များတွင် ပါဝင်သူများကို စစ်ဆေးလျက်ရှိပြီး ပုဒ်မ ၁၄၄ အား လိုက်နာမှုမရှိသူ ၄၀ ကျော်ကို ထောင်ဒဏ် တစ်လစီချမှတ်
ပဲခူးတိုင်း ဒေသကြီးအတွင်း ဖျက်ဆီးမှု ဖြစ်စဉ်များတွင် ပါဝင်သူများကို အရေးယူ စစ်ဆေးလျက် ရှိကြောင်း ပဲခူးတိုင်းဒေသကြီး ရဲတပ်ဖွဲ့မှူး၊ ရဲမှူးကြီးမြ၀င်းက Eleven Media သို့မေ ၁၇ ရက်က ပြောကြားသည်။
ထို့ပြင် ပုဒ်မ ၁၄၄ အား လိုက်နာမှု မရှိခဲ့သူ ၄၀ ကျော်ကို မေလ ပထမပတ်အတွင်း ထောင်ဒဏ် တစ်လစီ ချမှတ်ခဲ့ကြောင်းလည်း ပဲခူးတိုင်း ဒေသကြီး ရဲတပ်ဖွဲ့မှူးက ဆက်လက်ပြောကြားသည်။
''ဖျက်ဆီးမှုမှာ အဓိကဦးဆောင်သူလို့ သံသယရှိတဲ့ ၃၈ ဦးကို ဆက်လက်စစ်ဆေး နေပါတယ်။ ထုတ်ပြန်ထားတဲ့ ဥပဒေကို လိုက်နာမှုမရှိခဲ့တဲ့ သူတွေကိုတော့ အရေးယူ ဆောင်ရွက်ပြီးသွားပါပြီ'' ဟု ရဲမှူးကြီးမြ၀င်းက ဆိုသည်။
ဖျက်ဆီးမှုတွင် ဦးဆောင်ခဲ့သည်ဟု ယူဆရသူ ၃၈ ဦးအား အမှု ၁၈ မှုဖွင့်ထားပြီး မကြာမီ ရုံးတင်စစ်ဆေးတော့မည် ဖြစ်ကြောင်း ဦးမြ၀င်းထံမှ သိရသည်။ မတ် ၂၃ ရက်မှစ၍ ပဲခူးတိုင်းဒေသကြီး၊ သာယာဝတီ ခရိုင်အတွင်းရှိ ကြို့ပင်ကောက်၊ ဇီးကုန်း၊ နတ္တလင်း၊ မင်းလှ၊ ပုတီးကုန်း၊ မိုးညို၊ အင်းမနှင့် အိုးသည်ကုန်းမြို့များ၌ ဖျက်ဆီးမှုများ ဖြစ်ပွားခဲ့သော်လည်း လက်ရှိတွင် မူလအခြေအနေသို့ ပြန်လည်ရောက်ရှိနေပြီ ဖြစ်ကြောင်း ဒေသခံများထံမှ သိရသည်။
ထိုစဉ်က ထုတ်ပြန်ခဲ့သော ပုဒ်မ ၁၄၄ ပါ ကန့်သတ်ချိန်များကို ည ၁၀ နာရီမှ နံနက် ၄ နာရီသို့ လျော့ချခဲ့ပြီး ဆက်လက် လျော့ချသွားရန်လည်း စီစဉ်လျက်ရှိကြောင်း သိရသည်။
ပဲခူးတိုင်းဒေသကြီး၊ မင်းလှမြို့နယ်တွင် ဖြစ်ပွားခဲ့သော ဖျက်ဆီးမှုတွင် ပါဝင်သူအား ရဲတပ်ဖွဲ့မှ ဖမ်းဆီးလာစဉ်
EMG
No comments:
Post a Comment