ဆိုင်ကလုန်း မုန်တိုင်း မဟာစင် အနီရောင် အရေးပေါ် အခြေအနေသို့ ရောက်ရှိ မောင်တောမြို့ ကမ်းခြေသို့ မေ ၁၆ ရက် နေ့လယ်ပိုင်းတွင် စတင်ဖြတ်ကျော် ဝင်ရောက်မည်ဟု ခန့်မှန်း

နေပြည်တော် မေ  ၁၅

ယနေ့ ည ၉ နာရီခွဲအချိန် တိုင်းထွာချက် များအရ ဘင်္ဂလား ပင်လယ်အော် အနောက်အလယ် ပိုင်းတွင် ဖြစ်ပေါ်နေသော ဆိုင်ကလုန်းမုန်တိုင်း မဟာစင် (MAHASEN)သည် အရှေ့ မြောက်ဘက် သို့ရွေ့လျားခဲ့ပြီး ဘင်္ဂလား ပင်လယ်အော် မြောက်ပိုင်း သို့ ရောက်ရှိခဲ့ကာ မြန်မာနိုင်ငံ၊ မောင်တောမြို့၏


အနောက်တောင်ဘက် မိုင် ၂၅ဝ ခန့်၊ စစ်တွေမြို့၏ အနောက်တောင်ဘက် မိုင် ၂၆ဝ ခန့်၊ ကျောက်ဖြူမြို့၏ အနောက်ဘက် မိုင် ၂၈ဝ ခန့်၊ အိန္ဒိယနိုင်ငံ (ကိုလ်ကတ္တားမြို့)၏ တောင်ဘက် မိုင် ၂၃ဝ ခန့် အကွာ ပင်လယ်ပြင်ကို ဗဟိုပြုနေသည်။ အဆိုပါ ဆိုင်ကလုန်း မုန်တိုင်းသည် အရှေ့မြောက်ဘက်သို့ ဆက်လက် ရွေ့လျားပြီး ဘင်္ဂလားဒေ့ရ်ှနိုင်ငံ၊ စစ်တကောင်းမြို့နှင့် မြန်မာနိုင်ငံ၊ မောင်တောမြို့ အကြားမှ ကမ်းခြေကို နောက် ၁၈ နာရီအတွင်း ဖြတ်ကျော်ဝင် ရောက်မည်ဟု ခန့်မှန်းသည်။ 

ဆိုင်ကလုန်း မုန်တိုင်း၏ လက်ရှိအခြေအနေမှာ အနီရောင် အရေးပေါ် အခြေအနေသို့ ရောက်ရှိပြီး ဘင်္ဂလားဒေ့ရှ် နိုင်ငံနှင့် မြန်မာနိုင်ငံ နယ်စပ်သို့ ဦးတည် ရွေ့လျားလျက်ရှိသည့် အခြေအနေဖြစ်သည်။ 

ဆိုင်ကလုန်း မုန်တိုင်း မဟာစင် (MAHASEN) သည် ကမ်းခြေသို့ ဖြတ်ကျော်စဉ် လေတိုက်နှုန်းမှာ တစ်နာရီလျှင် မိုင် ၆ဝ မှ မိုင် ၇ဝ အထိ တိုက်ခတ်နိုင်ပြီး မုန်တိုင်းကြောင့် မြင့်တက်နိုင်သော ရေလှိုင်း အမြင့်မှာ မောင်တောမြို့နယ် ကမ်းခြေတွင် ၈ ပေမှ ၁ဝ ပေခန့်၊ စစ်တွေခရိုင် ကမ်းခြေတွင် ၆ ပေမှ ၈ ပေခန့်နှင့် ကျောက်ဖြူခရိုင် ကမ်းခြေတွင် ၄ ပေမှ ၆ ပေခန့် မြင့်တက်နိုင်သည်။

ထို့အပြင် မုန်တိုင်းနှင့်အတူ မိုးသည်းထန်စွာ ရွာသွန်း နိုင်ပါသဖြင့် စစ်ကိုင်းတိုင်း ဒေသကြီး၊ မန္တလေးတိုင်း ဒေသကြီး၊ မကွေးတိုင်း ဒေသကြီး၊ ပဲခူးတိုင်း ဒေသကြီး၊ ရန်ကုန်တိုင်း ဒေသကြီး၊ ဧရာဝတီတိုင်း ဒေသကြီး၊ ကချင်ပြည်နယ်၊ ချင်း ပြည်နယ်နှင့် ရခိုင်ပြည်နယ်တို့တွင် မိုးရွာသွန်းမှုကြောင့် မြေပြိုခြင်း၊ တောင်ကျရေများကြောင့် လျှပ်တစ်ပြက် ရေကြီးခြင်း အန္တရာယ်များကို သတိပြု ရှောင်ရှားသင့်ပါသည်။

အဆိုပါ ဆိုင်ကလုန်း မုန်တိုင်း၏ အရှိန်ကြောင့် မြစ်ဝကျွန်းပေါ်၊ မုတ္တမကွေ့၊ ရခိုင်ကမ်းရိုးတန်း တစ်လျှောက်နှင့် ကမ်းလွန် ပင်လယ်ပြင်တို့တွင် မကြာခဏ မိုးသက်လေပြင်းများ ကျရောက်ပြီး လှိုင်းကြီးမည်။  မိုးသက်လေပြင်း ကျစဉ် ရေပြင်/ မြေပြင်လေသည် တစ်နာရီလျှင် မိုင် ၆ဝ မှ မိုင် ၇ဝ အထိ တိုက်ခတ်နိုင်သည့် အတွက် ပင်လယ်ပြင်မှ ငါးဖမ်းရေ ယာဉ်များ၊ သင်္ဘောများ မုန်တိုင်းအန္တရာယ်ကို ကြိုတင် ရှောင်ရှားကြပါရန် မိုးလေဝသနှင့် ဇလဗေဒ ညွှန်ကြားမှု ဦးစီးဌာနက အကြံပြုထားသည်။    

 From : ..MWD