ဟိုးရှေးရှေးတုန်းက အလွန်ကြီးမားတဲ့ ပန်းသီးသစ်ပင်ကြီးတစ်ပင်ရှိတယ် -သက်တန့် ချိုရေးသောရသ

ဟိုးရှေးရှေးတုန်းက အလွန်ကြီးမားတဲ့ ပန်းသီးသစ်ပင်ကြီးတစ်ပင်ရှိတယ် ။ ကောင်လေးတစ်ယောက်ဟာ အဲဒီပန်းသီးပင်ကြီးကို အလွန်ပဲ ချစ်ခင်တဲ့အတွက် နေ့တိုင်း အဲဒီအပင်ကြီးနားမှာ လာပြီးကစားလေ့ရှိတယ် ။ သူဟာ ပန်းသီးပင်ထိပ်ကိုတက်တယ် ပန်းသီးတွေကိုစားတယ် အဲဒီအပင်ကြီးရဲ့ အရိပ်အောက်မှာ ခဏတာ အိပ်စက်လေ့ရှိတယ် ။ သူက ပန်းသီးပင်ကြီးကိုချစ်သလို ပန်းသီးပင်ကြီးကလည်းသူ့ကိုချစ်တယ် ။ ဒီလိုနဲ့ အချိန်တွေကြာလာတော့ ကောင်လေးဟာ တဖြည်းဖြည်းအရွယ်ရောက်လာတယ် ။ ပြီးတော့ ပန်းသီးပင်ကြီးနားမှာ နေ့တိုင်းအချိန်ပြည့်လာမကစားနိုင်တော့ဘူး ။


တစ်နေ့မှာ ကောင်လေးဟာ သစ်ပင်ကြီးဆီကိုရောက်လာတယ် ။ သူ့မျက်နှာမှာ ၀မ်းနည်းနေတဲ့ပုံပေါ်တယ် ။ “ လာလေ ကောင်လေး ငါနဲ့လာကစားပါ ” ပန်းသီးပင်ကြီးက ကောင်လေးကိုပြောတယ် ။ “ ကျွန်တော်က ကလေးလေးတစ်ယောက်မဟုတ်တော့ပါဘူး ဒါကြောင့် ပန်းသီးပင်ကြီးနားမှာ အချိန်ပြည့်မကစားနိုင်တော့ပါဘူး ” လို့ကောင်လေးကပြန်ပြောတယ် ။ အဲဒီအခါ သစ်ပင်ကြီးက “ စိတ်မကောင်းပါဘူး ကောင်လေးရယ် ငါ့မှာ မင်းကိုပေးဖို့ငွေတော့မရှိပါဘူး ဒါပေမယ့် ငါ့ရဲ့ပန်းသီးတွေကို အကုန်လုံးမင်းယူလိုက်ပါပြီးတော့အဲဒါတွေကိုရောင်းလိုက်ပါ အဲဒါဆို မင်းမှာ ငွေတွေရှိလာမှာပါ ” လို့ပြန်ပြောတယ် ။

ကောင်လေးဟာ အတော်စိတ်လှုပ်ရှားသွားတယ် ။ သူဟာ ပန်းသီးပင်ကြီးဆီက ပန်းသီးတွေအကုန်လုံးကို ဆွတ်ယူပြီး ပျော်ရွှင်စွာနဲ့ ပြန်သွားခဲ့တယ် ။ အဲဒီအချိန်ကစပြီးကောင်လေးဟာ ပန်းသီးပင်ကြီးဆီကို ပြန်မလာတော့ပါဘူး ။ ပန်းသီးပင်ကြီးကတော့ ၀မ်းနည်းနေလျှက်ရှိပါတယ် ။

တစ်နေ့မှာ လူကြီးတစ်ယောက်အဖြစ် ပြောင်းလဲသွားတဲ့ကောင်လေးဟာ ပန်းသီးပင်ကြီးဆီကို တစ်ခေါက်ပြန်ရောက်လာခဲ့တယ် ။ သူ့မျက်နှာမှာ ၀မ်းနည်းမှုတွေပေါ်လွင်နေတယ် ။ “ ဟာ လာလေကောင်လေး ငါနဲ့လာကစားပါဦး ” ပန်းသီးပင်ကြီးက ကောင်လေးကို ၀မ်းသာစွာနဲ့ခေါ်တယ် ။ “ ကျွန်တော့်မှာ ပန်းသီးပင်ကြီးနဲ့ အတူကစားဖို့အချိန်မရှိတော့ပါဘူး အခုဆိုရင် မိသားစုအတွက် အချိန်တွေအများကြီးပေးပြီးအလုပ်လုပ်နေရပါပြီ ကျွန်တော်တို့ နေဖို့အတွက် အခုဆိုရင်အိမ်တစ်လုံးလိုပါတယ် ။ ခင်ဗျား ကျွန်တော့်ကို ကူညီနိုင်မလားဟင် ? ” လို့မေးတယ် ။ အဲဒီအခါ ပန်းသီးပင်ကြီးက “ စိတ်မကောင်းပါဘူး ကောင်လေးရယ် ငါမင်းကို အိမ်တစ်လုံးတော့မပေးနိုင်ပါဘူး ဒါပေမယ့် ငါ့အကိုင်းအခက်တွေကို ချိုးပြီး မင်းအတွက် အိမ်တစ်လုံးတည်ဆောက်ပါ ” လို့ ပြန်ပြောတယ် ။ လူကြီးတစ်ယောက်ဖြစ်လာပြီဖြစ်တဲ့ကောင်လေးဟာ ပန်းသီးပင်ကြီးရဲ့ အကိုင်းအခက်တွေကို ခုတ်ယူပြီး ပျော်ရွှင်စွာနဲ့ ပြန်သွားခဲ့တယ် ။ ပန်းသီးပင်ကြီးက ကောင်လေးပျော်နေတာကိုကြည့်ပြီး ၀မ်းသာနေခဲ့တယ် ။ ဒါပေမယ့် အဲဒီအချိန်ကစလို့ ကောင်လေးဟာ သူ့ဆီ ထပ်ရောက်မလာပြန်တော့ပါဘူး ။ ပန်းသီးပင်ကြီးဟာ တခါထပ်အထီးကျန်ခဲ့ရပြီး ၀မ်းနည်းနေခဲ့ရပါတယ် ။

အချိန်တွေအများကြီးကြာသွားပြီးတဲ့နောက် နွေရာသီရဲ့ နေ့တစ်နေ့မှာတော့ ပန်းသီးပင်ကြီးဆီကို အဲဒီလူဟာ တစ်ခေါက်ပြန်ရောက်လာခဲ့တယ် ။ “ ဟေးး ကောင်လေး ငါနဲ့အတူလာကစားပါဦး ” လို့ ပန်းသီးပင်ကြီးက ၀မ်းသာစွာနဲ့ခေါ်တယ် ။ “ ကျွန်တော်ဟာ အသက်ကြီးနေပါပြီ ဒါကြောင့် ကျွန်တော် အပန်းဖြေဖို့ထွက်လာခဲ့တာပါ ကျွှန်တော့်ကို လှေတစ်စင်းပေးနိုင်မလား ” လို့ အဲဒီလူက ပြန်ပြောတယ် ။ ဒီအခါ ပန်းသီးပင်ကြီးက “ ငါ့ရဲ့ ပင်စည်ကို ခုတ်လှဲပြီး မင်းအတွက် လှေတစ်စင်း တည်ဆောက်လိုက်ပါ အဲဒီအခါ မင်း မြစ်ပြင်ထဲမှာ ရွက်လွှင်ပပြီး အပန်းဖြေနိုင်ပါလိမ့်မယ် ” လို့ပြောရှာတယ် ။ အဲဒီလူက ပန်းသီးပင်ကြီးရဲ့ ပင်စည်ကိုခုတ်လှဲပြီး လှေတစ်စင်းတည်ဆောက်ကာမြစ်ပြင်မှာ အပန်းဖြေဖို့ ပျော်ရွှင်စွာ ထွက်ခွာသွားပါတယ် ။ အဲဒီအချိန်ကစလို့ သူဟာ ဘယ်တော့မှ ပြန်မလာတော့ပါဘူး ။

ဒီလိုနဲ့ နောက်ဆုံးမှာတော့ နှစ်ပေါင်းများစွာ ကြာပြီးတဲ့အခါ သူဟာ ပန်းသီးပင်ကြီးဆီကို တစ်ခေါက်ပြန်ရောက်လာခဲ့တယ် ။ ပန်းသီးပင်ကြီးက တွေ့တွေ့ခြင်း “ စိတ်မကောင်းပါဘူး ကောင်လေးရယ် ငါ့မှာ မင်းကို ပေးစရာဘာမှမရှိတော့ပါဘူး မင်းအတွက် ပန်းသီး တွေလည်းမရှိတော့ပါဘူး ” လို့ပြောတယ် ။ အဲဒီအခါ သူက “ ကိစ္စမရှိပါဘူးဗျာ ကျွန်တော့်မှာလည်း ပန်းသီးတွေကိုကိုက်စားဖို့ သွားတွေမရှိတော့ပါဘူး ” လို့ပြန်ပြောတယ်။ ဒီအခါ ပန်းသီးပင်ကြီးက “ မင်းတက်ပြီးဆော့ကစားဖို့ ငါ့မှာ ပင်စည်လည်းမရှိတော့ပါဘူး ” လို့ပြောတဲ့အခါ အဲဒီလူက “ ကျွန်တော်လည်းတက်နိုင်စွမ်းမရှိတော့ပါဘူး အိုနေပါပြီ ” လို့ပြန်ပြောတယ် ။ ပန်းသီးပင်ကြီးက “ ငါတယ့်ကို စိတ်မကောင်းပါဘူး ကွယ် မင်းအတွက်ပေးစရာ ဘာမှမရှိတော့ပါဘူး ဒါပေမယ့် တစ်ခုပဲ -- ငါ့ရဲ့ သေဆုံးနေပြီဖြစ်တဲ့ အမြစ်တွေတော့ကျန်ပါသေးတယ် ” လို့ ပန်းသီးပင်ကြီးက မျက်ရည်တွေနဲ့ပြောရှာတယ် ။

“ ကျွန်တော် အခုချိန်မှာ အများကြီးမလိုချင်တော့ပါဘူး ဒါပေမယ့် အေးချမ်းတဲ့နေရာလေးမှာ ထာဝရ အနားယူချင်ပါတယ် ကျွန်တော်နှစ်ပေါင်းများစွာလည်း ကြိုးစားလာခဲ့ပြီးပါပြီ ” လို့ အဲဒီလူက ပြန်ပြောတယ် ။ “ အိုး--ကောင်းပါပြီ အပင်အိုရဲ့ အမြစ်တွေဟာ မင်းအတွက် နားခိုစရာအကောင်းဆုံးပေါ့ကောင်လေးရယ် လာပါ ဒီနေရာမှာ ငါ့အမြစ်တွေကို မှီပြီးလှဲလိုက်ပါ ငါနဲ့အတူ ငြိမ်းချမ်းစွာနေပါလို့ ” ပန်းသီးပင်ကြီးကပြောတယ် ။ အဲဒီလူက ပန်းသီးပင်အိုရဲ့ အမြစ်တွေပေါ်မှာ မှီပြီးလှဲချလိုက်တယ် ။ ပန်းသီးပင်ကြီးကတော့ ၀မ်းသာပြီး သူ့မျက်နှာမှာ ပြုံးရွှင်လို့-- မျက်ရည်တွေစီးကျလာပါတယ် ။

############################################

ပန်းသီးပင်ကြီးဟာ ကျွန်တော်တို့ မိဘတွေနဲ့တူပါတယ် ။ ကျွန်တော်တို့ ငယ်စဉ်က အဖေ ရယ်အမေရယ်ဆိုပြီးချစ်ခင်စွာနဲ့ ပျော်ရွှင်စွာဆော့ကစားခဲ့ကြတယ် ။ အသက်ကြီးလာတဲ့အခါ တစ်အိုးတစ်အိမ်ထူထောင်ပြီး သူတို့ကိုစွန့်ခွာခဲ့ကြတယ် ။ ကျွန်တော်တို့ လိုအပ်တဲ့အခါ ကျွန်တော်တို့ ဒုက္ခကြုံနေရတဲ့အခါမှသာ သူတို့ဆီတစ်ခေါက်ပြန်ရောက်ဖြစ်ခဲ့ကြတယ် ။ ဘယ်လိုပဖြစ်ပျက်နေပါစေ မိဘတွေကတော့ အမြဲတမ်း သားသမီးတွေအတွက် လိုအပ်တာမှန်သမျှ ဖြည့်ဆည်းပေးနေတာပါပဲ ကျွန်တော်တို့ ပျော်ရွှင်မယ်လို့ ထင်တဲ့အရာအားလုံးကို သူတို့ အပြုံးမပျက်ပဲ ဖြည့်ဆည်းပေးခဲ့ကြတယ် ။ သင်ကတော့ ကောင်လေးက ပန်းသီးပင်ကြီးအပေါ်ရက်စက်လွန်းတယ်လို့ ထင်နေမှာပါ ။ သေချာတွေးကြည့်ပါဦး ကျွန်တော်တို့အားလုံးလည်း မိဘတွေကို ဒီလိုပဲ ပြုမူခဲ့ကြတာပါပဲ ။ ဒီတော့ သိပ်နောက်မကျသေးခင်မှာပဲ မိဘတွေကို ကျွန်တော်တို့ တဖန်ပြန်လည် ကျွေးမွေးစောင့်ရှောက်ကြပါစို့လား ။

မိဘတွေကို ချစ်မြတ်နိုးပါ ။ သူတို့ ဘယ်နေရာပဲရောက်နေနေ--- သူတို့ ဘာတွေပဲဖြစ်နေပါစေ --- ။

သက်တန့်ချို
Feb 9-2012