၆၉ နှစ်မြောက်တပ်မတော်နေ့ အခမ်းအနားတွင် ယမန်နှစ်ထက် စစ်လက်နက်များ ပိုမိုပြသမည်

လေ့ကျင့်နေမှုအား တွေ့ရစဉ် ၊ ဓာတ်ပုံ-ဟမ်းလော့

March 26, 2014 at 12:57pm


ဝင်းကိုကိုလတ်


မတ်လ ၂၇ ရက်တွင် ကျရောက်မည့် ၆၉ နှစ်မြောက်တပ်မတော်နေ့အခမ်းအနားတွင် ယမန်နှစ် ၆၈ နှစ် မြောက်တပ်မတော်နေ့ အခမ်းအနားထက် စစ်လက်နက်ပစ္စည်းများ ပိုမိုပါဝင်မည်ဟု နေပြည်တော်ရှိ ကာ ကွယ်ရေးဝန်ကြီးဌာန၊ တပ်မတော်ကာကွယ်ရေးဦးစီးချုပ်(ကြည်း)မှ အဆင့်မြင့် အရာရှိကြီးတစ်ဦးက ပြောသည်။

၎င်းက “ဒီနှစ်တပ်မတော်မှာ မနှစ်ကထက် စစ်လက်နက်ပစ္စည်းတွေပိုပါလာမယ်။ မနှစ်က တပ်မတော်နေ့ မှာ မပါတဲ့ချိန်းတပ်တင့်ကားတွေ ပါလာမယ်”ဟု ပြောသည်။


ခေတ်အဆက်ဆက် တပ်မတော်နေ့များတွင် စစ်သည်အင်အားဖြင့်သာစစ်ရေးပြ အခမ်းအနားများ ပြုလုပ်ခဲ့ ရာမှ ၂၀၁၃ ခုနှစ်၊ မတ်လ ၂၇ ရက်၊ ၆၈ နှစ်မြောက် တပ်မတော်နေ့တွင် မြန်မာ့တပ်မတော်၏ စစ်လက် နက်ပစ္စည်းများကို ပထမဆုံးအကြိမ်အဖြစ် စစ်ရေးပြအခမ်းအနားတွင် ပါဝင်ပြသခဲ့ခြင်းဖြစ်သည်။

စစ်ရေးပြလေ့ကျင့်ခန်းတွင်ပါဝင်မည့် ဗိုလ်မှူးအဆင့်ရှိ အမည်မဖော်လိုသူ တပ်မတော်သားတစ်ဦးက “MIG 29 တိုက်လေယာဉ်တွေ၊ တင့်ကားတွေ၊ လေယာဉ်ပစ် အမြောက်စနစ်၊ တင့်ဖျက်လက်နက်တွေ မနှစ်ကလို ပဲ ပါမယ်။ တပ်ပေါင်းစုံက လက်နက်စနစ်တွေ မျိုးစုံပါမယ်”ဟု ပြောသည်။

၆၉ နှစ်မြောက်၊ တပ်မတော်နေ့အခမ်းအနားစစ်ရေးပြပွဲတွင် အရာရှိ၊ အရာခံ၊ အကြပ်၊ စစ်သည်ပေါင်း ၁၀,၀၀၀ နီးပါးခန့် ပါဝင်မည်ဖြစ်ပြီး ယခုအချိန်တွင် နေပြည်တော်၊ ပုဗ္ဗသီရိတပ်မြို့တွင် တည်းခိုလေ့ကျင့် လျက်ရှိသည်။


အဆိုပါ တပ်မတော်အရာရှိက “ကျွန်တော်တို့ သက်ဆိုင်ရာ စစ်တိုင်းအလိုက် တစ်လလောက်လေ့ကျင့်ကြ ရတယ်။ အခု နေပြည်တော်ရောက်နေတာ တစ်လလောက်ရှိပါပြီ”ဟု ပြောသည်။

စစ်ရေးပြ အစမ်းလေ့ကျင့်ခြင်းများတွင်လည်း တပ်မတော်၊ ဒုတိယကာကွယ်ရေးဦးစီးချုပ်၊ ဒုတိယဗိုလ်ချုပ် မှူးကြီးစိုးဝင်း နှင့် တပ်မတော် ကြည်း၊ ရေ၊ လေ ညှိနှိုင်းကွပ်ကဲရေးမှူး ဗိုလ်ချုပ်ကြီးလှဌေးဝင်းတို့လည်း လာရောက်ကြည့်ရှုခဲ့သည်ဟု ၎င်းကဆိုသည်။

“တပ်မတော်ကာကွယ်ရေးဦးစီးချုပ်ကတော့ ၂၇ ရက်မှပဲလာမှာပါ”ဟု ဆိုသည်။ယခုနှစ် တပ်မတော်နေ့ အခမ်းအနားသို့ အတိုက်အခံအမျိုးသားဒီမိုကရေစီအဖွဲ့ချုပ်ဥက္ကဋ္ဌအား ဒုတိယအကြိမ်အဖြစ် ဖိတ်ကြား ထားကြောင်းလည်း အင်န်အယ်လ်ဒီပါတီမှ လွှတ်တော်အမတ်တစ်ဦးကလည်း အတည်ပြုပြောသည်။

Copy to OE~