ညောင်ရွှေ၊ ၁၇-၈-၂၀၁၃။
ရှမ်းပြည်နယ်တောင်ပိုင်၊ ညောင်ရွှေမြို့ နယ်ရှိ ၊ အင်းလေးဟိုတယ်ဇုံ စီမံကိန်းရှိ ၊ လျှော်ကြေး ရယူထားခြင်းမရှိသော၊ ဒေါ်ခင်ရွှေ ပိုင် ခြံမြေပေါ်တွင် ၊ ယနေ့ ၁၇-၈-၂၀၁၃ နံနက်၉း၀၀ အချိန်ခန့် တွင် မြို့ နယ်ထွေအုပ် ဦးကျော်ဇောလှ နှင့် ဖြူစင်ကုမ္ပဏီမှ ခွန်ဂျာ ဦးဆောင်သော ရဲအင်အား၂၀ကျော်ခန့် သည်၊ ဒေါ်ခင်ရွှေ ပိုင် လယ်စိုက်ထားသော မြေယာပေါ်တွင် အတင်းအဓမ္မ စွန့် ပစ်မြေစာများကို လာပုံပြီး၊ ဝါးခြံကိုလဲဖျက်ဆီးခဲ့ သည့် အတွက် ၊ ဒေါ်ခင်ရွှေ နှင့် အချင်းများခဲ့ သည်ဟု မျက်မြင်ဒေသခံတဦး ဖြစ်သူ ကိုအောင်ကျော်မျိုးက ပြောပြတယ်။
``` ဒေါ်ခင်ရွှေက အချင်းများနေစဉ်မှာ -နှလုံးသိပ်မကောင်းတဲ့ အတွက် မေ့လဲသွားတယ်၊ အခုသတိပြန်လည်လာတော့ စိတ်ထိခိုက်ပြီးတော့ အရူးတစ်ပိုင်းလို ဖြစ်သွားတယ်`` ဟု ကိုအောင်ကျော်မျိုးက ပြောတယ်။
ယခုနောက်ဆုံး အခြေအနေမှာ လယ်ယာမြေကို ထပ်ဖျက်ဖို့ ရဲအင်အားနှင့် ပြင်ဆင်ထားပြီး၊ ရွာသာများ ကိုလည်းလယ်ထဲသို့ ဝင်ခွင့် တားမြစ်ထားပါတယ်။
မြို့ နယ်ထွေအုပ် ဦးကျော်ဇောလှ ကလဲ လျှော်ကြေး လာမယူတဲ့ ရွာသားများအား ဖမ်းမည်ဟု ပြောပါတယ်။
ယခု ဟိုတယ်ဇုံလုပ်ငန်း လုပ်ကိုင်နေသည့် မြေမှာ ကျွန်ုပ်တို့ မိဘဘိုးဘွား တောင်သူ လယ်သမားများ၏
မြေဖြစ်တယ်။ သိမ်းယူမှု လျှော်ကြေးမယူ၊ မပြီးပြတ်သော၊ လယ်သိမ်း ယာသိမ်း ကော်မတီက လွှတ်တော်တွင် တင်သွင်းနေသော လယ်ယာများတွင် ပါဝင်နေသည့် မြေများဖြစ်ပါတယ်။ သို့ ဖြစ်ပါ၍ လုပ်ငန်းရှင်များ စဉ်းစားနိုင်ရန် ကျွန်ုပ်တို့ တောင်သူ လယ်သမားများက တားဆီးရခြင်း ဖြစ်တယ်။ အကယ် အဓမ္မ သိမ်းယူခြင်း ပြုကျင့်ပါက မည်သည့်ခေတ်သို့ ရောက်သည်ဖြစ်စေ တရားရင်ဆိုင် သွားမည်ဖြစ်ကြောင်း အင်ကြင်းကုန်းနှင့် ကန်ပဲ့ ရွာမှ လယ်မြေသိမ်းခံရတဲ့ တောင်သူလယ်သမားများကလည်း ပြောပါတယ်။
လေးကြီး-(ရှမ်းပြည်)
by Myanmar News Now
No comments:
Post a Comment