နဂါးဦးနှောက်အတွင်းသို့ ဖောက်ထွင်းဝင်ရောက်ခြင်း

 တရုတ်နိုင်ငံ၊ ရွှေလီမြို့ရှိ KIA အဖွဲ့ပိုင် ကျင်းချိန်ဟိုတယ်

 တရုတ်နိုင်ငံ၊ ကျယ်ဂေါင်မြို့ရှိ KIA အဖွဲ့ပိုင် “ 123 ” ဟိုတယ် 

          မြန်မာ့ဒီမိုကရေစီရထားကြီး  ၂ နှစ်ခန့်ခုတ်မောင်းခရီးနှင်ခဲ့ပြီဖြစ်ရာ ယနေ့တွင် ခလုတ်ကန်သင်းများသော၊ အကွေ့အကောက်များသော၊ လမ်းအစိတ်အပိုင်းတစ်ခုသို့ရောက်ရှိဖြတ် သန်းရလျက်ရှိနေသည်။ ရည်မှန်းချက် ဘူတာသို့ရောက်ရန် ဤလမ်း၊ ဤနေရာ၊ ဤအချိုးအကွေ့တို့အား မဖြစ်မနေဖြတ်သန်းရမည်ဖြစ်သည်။ အတိမ်းအစောင်းမခံသည့်ကာလအတွင်း ဂီယာအချိန်းအပြောင်းနှင့် စီယာရင်အထိန်းအကြောင်း မှန်မှသာရှေ့ခရီးကို ဆက်နိုင်မည့်သဘောဖြစ်သည်။ ဆိုလိုသည်မှာ ခလုတ်ကန်သင်းနှင့်တူသော စိန်ခေါ်မှုများကို ဖြတ်သန်းနိုင်ရန် အတွက် အခြေအနေအရပ်ရပ်ကို မှန်ကန်စွာသိမြင်သုံးသပ်၍ အန္တရာယ်ကင်းသောဆုံးဖြတ်မှုမျိုးကို ရွေးချယ်နိုင်ရန် လိုအပ်ခြင်းဖြစ်သည်။
နယ်နိမိတ်အရှည်လျားဆုံးထိစပ်နေသည့် အိမ်နီးချင်းနိုင်ငံကြီးနှင့် မြန်မာနိုင်ငံတို့ကာလရှည်လျားစွာ ချစ်ကြည်မှုတည်ဆောက်နိုင်ခဲ့သည်ဆိုသည်ကို မငြင်းနိုင်သော်လည်း လက်ရှိအခြေအနေများအရ အရှေ့ဘက်က နဂါးကြီးအနေဖြင့် ဒေါသအခိုးအငွေ့တို့ တရှူးရှူးမှုတ်ထုတ်စပြုနေပြီလားဟု တွေးထင်စရာများရှိလာသည်။ မည်သည့်အတွက်ကြောင့်ပါနည်း။ ဘင်္ဂလားပင်လယ်အတွင်းမှ ရေနံနှင့်သဘာဝဓာတ်ငွေ့များ သောက်သုံးရှုရှိုက် နိုင်ရန် နဂါးကြီးခေါင်းပြူထွက်ရမည့်နေရာသည် တစ်ခုတည်းသောမြန်မာနိုင်ငံမှအပ အခြားဖြစ်နိုင်ဖွယ်မရှိခြင်း ကြောင့် အသက်ရှုပေါက်တစ်ခုအတွက်ဟု ဖြေကြားရမည်ဖြစ်ပါသည်။

နောက်ထပ်ဆက်ဖတ်ရန်ဆိုတဲ့ အနီရောင်စာကိုဆက်နိပ်လိုက်ပါ

တရုတ်အစိုးရ
   တရုတ်တို့အနေဖြင့် မြန်မာနိုင်ငံတွင် တပ်မတော်အစိုးရတာဝန်ယူစဉ်ကာလအတွင်း နှစ်နိုင်ငံဆက်ဆံရေးအား များစွာတိုးမြှင့်ဆောင်ရွက်နိုင်ခဲ့သည်။ ယင်းသို့တိုးမြှင့်နိုင်ခဲ့ခြင်းကြောင့်လည်း တရုတ်တို့၏ စီးပွားရေးရင်းနှီးမြှုပ်နှံမှုများ မြန်မာနိုင်ငံတွင် ထုနှင့်ထည်နှင့်ရှိနေခြင်းဖြစ်သည်။ စွမ်းအင်လိုအပ်ချက်များစွာမှ အတိုင်းအတာတစ်ခုအထိအား မြန်မာနိုင်ငံမှရရှိရေး နောင်နှစ်ပေါင်းများစွာအတွက်မျှော်တွေးကာ အခြေခံအုတ်မြစ်များ တည်ထားခဲ့ကြသည်။ မြန်မာနိုင်ငံအနေဖြင့် ဒီမိုကရေစီစနစ်ကိုပြောင်းလဲ ကျင့်သုံးခဲ့ခြင်းကြောင့် အမေရိကန်နှင့် အနောက်အုပ်စုနိုင်ငံများမှ Sanction များရုပ်သိမ်းခြင်း၊ သံတမန်အဆင့်တိုးမြှင့်ခြင်း၊ အမေရိကန်သမ္မတကိုယ်တိုင် မြန်မာနိုင်ငံသို့လာရောက်ခဲ့ခြင်း၊ ဥရောပနိုင်ငံများနှင့်အပြန်အလှန် အလည်အပတ်ခရီးသွားလာခြင်း စသည့်ဆက်ဆံမှု တိုးမြှင့်လာခြင်းများမှာ တရုတ်တို့အတွက်စိုးရိမ်မှုဒီရေကို တစ်လိမ့်လိမ့်တိုးပွားစေပါတော့သည်။ မိမိနှင့် စိတ်သဘောထားချင်း မတိုက်ဆိုင်သူများက မိမိ၏မိတ်ဆွေအိမ်တစ်အိမ်သို့ အလျှိုလျှိုဝင်ထွက် လည်ပတ်လာခြင်းကို မည်သူမျှဝမ်းသာအားရဖြစ်နိုင်လိမ့်မည်မဟုတ်ပါ။ 

တရုတ်တို့အစိုးရိမ်ဆုံးမှာ မြန်မာအစိုးရအနေဖြင့် နိုင်ငံရေး အပြောင်းအလဲတွင် အမေရိကန်ဘက်သို့ ယိမ်းယိုင်သွားမည့်အရေးဖြစ်ပါသည်။ တစ်ပေါက်တည်းသော ထွက်ပေါက် အား အပိတ်ဆို့ခံရပါက တရုတ်တို့အတွက် အရှင်လတ်လတ်မြေမြှုပ်သတ်ခံရဘိအလား ခံရချက်နာနိုင်ပါသည်။
တရုတ်တို့တွင် ရွေးချယ်ရန် နည်းလမ်းနှစ်ခုရှိပါသည်။ ပထမနည်းလမ်းမှာ မြန်မာနိုင်ငံနှင့် အမေရိကန်နိုင်ငံ အပါအဝင် ကမ္ဘာ့နိုင်ငံများ ချစ်ကြည်ရင်းနှီးမှုရှိခြင်းကိုမုဒိတာပွား၍ မြန်မာနိုင်ငံနှင့်ယခင်ရှိပြီးသားဆက်ဆံရေးကို ပိုမိုခိုင်မြဲအောင်လုပ်ဆောင်ခြင်းနှင့် ဒုတိယနည်းလမ်းမှာ နယ်စပ်တွင်လိပ်ခဲတည်းလည်းဖြစ်နေသော ပြဿနာများကို ရှည်ကြာစေရန် KIO/KIA နှင့် “ ဝ ” အဖွဲ့တို့ကို ထောက်ပံ့မှုများပေး၍ မြန်မာအစိုးရကို ဘေးကြပ်နံကြပ်ဖြစ်စေခြင်း တို့ဖြစ်ပါသည်။ တရုတ်တို့ဒုတိယနည်းလမ်းကိုရွေးချယ်ရန်ပြင်ဆင်နေသည်လားကို စောကြောစရာရှိနေသည်။ အဘယ့်ကြောင့်နည်း။ UWSA “ဝ” တပ်ဖွဲ့ဝင်များ၊ KIO/KIA တပ်ဖွဲ့ဝင်များနှင့် SSPP/SSA တပ်ဖွဲ့ဝင်များ အင်အားကြီးထွားလာမှုက ဤအဖြေအတွက် ခိုင်လုံစေပါသည်။  “ ဝ ” နှင့် KIO/KIA နယ်မြေများတွင် တရုတ်တို့၏ စီးပွားရေးလုပ်ငန်းများစွာ တည်ရှိနေသကဲ့သို့ အပြန်အလှန်အားဖြင့် ယူနန်ပြည်နယ်ထဲတွင်လည်း “၀”နှင့် KIO/KIA ခေါင်းဆောင်တို့၏ ပိုင်ဆိုင်မှုများစွာ ရှိနေပါသည်။

တရုတ်တို့အနေဖြင့် ဒုတိယနည်းလမ်းအားရွေးချယ်ပါက မြန်မာနိုင်ငံအတွင်းရှိ လက်ပံတောင်းတောင်နှင့် ရေနံသဘာဝဓာတ်ငွေ့ပိုက်လိုင်းစီမံကိန်းအပါအ၀င် ကြီးမားလှသည့်ရင်းနှီးမြှုပ်နှံမှုများမှ ထွက်ပေါ်လာလတ္တံ့သော အကျိုးရလဒ်များအတွက် လွန်စွာမှစိုးရိမ်ဖွယ်ပင်ဖြစ်ပါသည်။ စွမ်းအင်သည် တရုတ်တို့၏အသက်သွေးကြော ဖြစ်ပါသည်။ လက်ရှိအခြေအနေတွင် မြန်မာအစိုးရအနေဖြင့် တရုတ်တို့၏ရင်းနှီးမြှပ်နှံမှုများနှင့် အကျိုးစီးပွားများကို ချုပ်ဆိုခဲ့သောသဘောတူညီချက်များအတိုင်း ကာကွယ်ပေးလျက်ရှိပါသည်။ မြန်မာနိုင်ငံမှစွမ်းအင်များမရရှိပါက အရှိန်အဟုန်ဖြင့်တိုးတက်နေသော တရုတ်တို့၏စီးပွားရေးလုပ်ငန်းများစွာမှ ရာခိုင်နှုန်းမည်မျှလျော့ကျသွားမည်ကို တရုတ်ပညာရှင်တို့ ကြိုတင်တွက်ဆထားသင့်ပါသည်။  မည်သို့ဆိုစေ “၀”နှင့် KIO/KIA တို့ အသက်ဆက်ရှင်သန် နေခြင်းသည် ၎င်းတို့တရုတ်နိုင်ငံလုံခြုံရေးအတွက် အနည်းနှင့်အများအကျိုးရှိစေမည်ဟု တရုတ်တို့ကယူဆထားဟန် တူသည်။ သို့တည်းမဟုတ် ဤအချက်သည် တရုတ်တို့အတွက် အရံအစီအစဉ်ပေပဲလား…ဟုလည်း တွက်ဆနိုင်ပါသည်။
တရုတ်တို့ မြန်မာနိုင်ငံအပေါ် သဘောထားပြောင်းလဲလာမှုရှိ/မရှိဆိုသည်ကို KIO/KIA တပ်စခန်းများ နယ်စပ်တွင် နေရာချထားမှုအပေါ်မူတည်၍ လေ့လာသုံးသပ်နိုင်ပါသည်။ ယခင်မြန်မာအစိုးရနှင့်တရုတ်အစိုးရတို့ ဆက်ဆံရေး ကောင်းမွန်နေသည့်ကာလအတွင်း KIO/KIA အနေဖြင့် မြန်မာ-အိန္ဒိယနယ်စပ် ROKA(I)နေရာသို့ ပြောင်းရွှေ့အခြေပြုရန် ဟန်ပြင်ခဲ့ကြပါသည်။ သို့သော်လက်ရှိတွင် ယင်းအစီအစဉ်ကိုရပ်တန့်ကာ တရုတ်နိုင်ငံ နယ်စပ်ဘက်ခြမ်းတွင် ပြန်လည်အခြေပြုနိုင်ရေး ပြင်ဆင်လာသည်မှာလည်း သက်သေတစ်ရပ်ဖြစ်သည်ဟု ဆိုနိုင်ဖွယ်ရှိနေပါသည်။ တရုတ်တို့မှ “ ဝ ” ၊ KIO/KIA အဖွဲ့များနှင့် မပတ်သက်ဘူးဟု ပြောနေသော်လည်း KIO/ KIA ၊ “ ဝ ” ၊ SSPP/SSA အဖွဲ့များသည် လက်နက်ခဲယမ်းကို လိုသလိုဖောဖောသီသီသုံးစွဲနေနိုင်သည်မှာ တရုတ်တို့ ထောက်ပံ့ထားခြင်းမဟုတ်ပါက ကချင်ပြည်နယ်နှင့် ရှမ်းပြည်နယ်အတွင်း ရာသီဥတုဖောက်ပြန်၍ လက်နက်ခဲယမ်း မိုးရွာခဲ့ခြင်းလားဟု မေးခွန်းထုတ်ရတော့မည်ဖြစ်ပါသည်။



မြန်မာအစိုးရ

          ပျိုးအိတ်အတွင်းမှ မြေချစိုက်ပျိုးစ ၂ နှစ်သားအရွယ် ဒီမိုကရေစီသစ်ပင်မှာ အင်မတန်မှ နုနယ်လှပါသေးသည်။ ပင်စည်တို့ခိုင်မြဲဖို့ထက် ဖြစ်တည်စအရွက်ကလေးများပင်လျှင် အစိမ်းရင့်ရောင်သို့ မပြောင်း နိုင်သေးဘဲ နုဖတ်ဖတ်အစိမ်းရောင်သမ်းစ အဆင့်ပင်လျှင်ရှိပါသေးသည်။ ဒီမိုကရေစီသစ်ပင်ငယ်တစ်ခုသည် နှစ်ပေါင်း ၂၀၀ ကျော်ခန့်သက်တမ်းရှိ ပင်အိုကြီးများကဲ့သို့ အကြမ်းခံနိုင်လိမ့်မည်မဟုတ်ပါ။ ကြီးထွားဖွံ့ဖြိုးရှင်သန်ရန် အပင်ကြီးများအောက် လောင်းရိပ်ခိုနေ၍မဖြစ်နိုင်သလို သတ္တိကောင်းသည်ဟုဆိုကာ နေရောင်ပြင်းပြင်းအောက် တစ်ဦးတည်းထွက် ရပ်တည်၍လည်းမရနိုင်ပါ။ လေကြမ်း၊ နေကြမ်းမခံနိုင်သေးသည့်အခြေအနေဖြစ်ပါသည်။ ကြီးမြန်စေလို၍ အရမ်းကာရောရေလောင်းလျှင်သော်လည်းကောင်း၊ ရှင်သန်စေလို၍ စေတနာဗရပွဖြင့် မြေသြဇာ အလွန်အကျွံထည့်မိလျှင်သော်လည်းကောင်း နုနယ်သောပင်စည်နှင့်ပင်မြစ်တို့ကို လောင်မြိုက်၊ ပုပ်ဆွေးစေ ပါလိမ့်မည်။
မြန်မာအစိုးရအနေဖြင့် ညောင်သီးလည်းစား၊ လေးသံလည်းနားထောင် စကားပုံအတိုင်းကျင့်သုံးရပါမည်။ တရုတ်နိုင်ငံအနေဖြင့်လည်း မိတ်ဆွေကောင်းပီသရန်လိုပါသည်။ မြန်မာအစိုးရအနေဖြင့် တရုတ်တို့၏သဘောထား အပေါ် မှန်ကန်စွာသုံးသပ်သိမြင်ပြီး အကင်းပါးပါးဖြင့် ဆောင်ရွက်နိုင်ရန်နှင့် မိမိနိုင်ငံ၏အချုပ်အခြာအာဏာ တည်တံ့ရေးအတွက် သုံးသပ်ဆောင်ရွက်ရန်လိုပါသည်။
UWSA “ ဝ ” တပ်ဖွဲ့
 “ ဝ ” တို့အနေဖြင့် မြန်မာ့တပ်မတော်မှ ၎င်းတို့အား တစ်ချိန်ချိန်တွင် တိုက်ခိုက်လာ နိုင်ဖွယ်ရှိသည်ဟုမျှော်လင့်ထားခဲ့ပြီး စစ်ရေးအင်အားတည်ဆောက်နေသည်မှာ ကြာပြီဖြစ်သည်။ သံချပ်ကာ၊ လေယာဉ်ပစ်အမြောက်များအပြင် ရဟတ်ယာဉ်အချို့ပါဝယ်ယူထားပြီးဖြစ်ကြောင်း သတင်းများကဆိုသည်။ ၎င်းပစ္စည်းအများစုမှာ တရုတ်ပြည်မှထုတ်လုပ်သည့် ပစ္စည်းများသာဖြစ်ပါသည်။ “ဝ ” တို့သည် ၎င်းတို့ကိုယ်တိုင် လက်နက်ခဲယမ်းဝယ်ယူခြင်း၊ ထုတ်လုပ်ခြင်းများဆောင်ရွက်သကဲ့သို့ တစ်ဆင့်ခံပြန်လည်ရောင်းချမှုများကိုလည်း ဆောင်ရွက်လျက်ရှိသည်။ KIO/KIA အဖွဲ့နှင့် SSPP/ SSA အဖွဲ့များထံ “ ဝ ” တို့မှ လက်နက်ခဲယမ်းများရောင်းချ နေခြင်းသည် တစ်ချက်ခုတ်နှစ်ချက်ပြတ်သဘောဆောင်သည်။ KIO/KIA နှင့် SSPP/ SSA တို့ လက်နက်ခဲယမ်း ပြည့်စုံပြီး တပ်မတော်ကိုတိုက်ခိုက်နေနိုင်သမျှ “ ဝ ” တပ်ဖွဲ့အား တပ်မတော်မှ ထိုးစစ်ဆင်လာနိုင်ရန် ရာခိုင်နှုန်း နည်းပါးမည်ဟု သုံးသပ်ထားပုံရသည်။ တစ်ဖက်တွင်လည်း ခေတ်သစ်လက်နက်ရောင်းဝယ်မှု စီးပွားရေးလုပ်ငန်း တစ်ရပ်ကို ဆောင်ရွက်နိုင်မည်ဖြစ်သည်။ မူးယစ်ဆေးဝါးမှ ဝင်ငွေ၊ လက်နက်ခဲယမ်းများမှ ဝင်ငွေများပေါင်းစု၍ သော်လည်းကောင်း၊ တရုတ်မှထောက်ပံ့မှုများရယူ၍သော်လည်းကောင်း အင်အားကြီးသည့် “ ဝ ” တပ်ဖွဲ့တစ်ခုကို တည်ဆောက်ရန် ရည်မှန်းချက်ချထားပုံရသည်။

  

UWSA “ ဝ ” တပ်ဖွဲ့တွင်အသုံးပြုလျက်ရှိသည့် တရုတ်နိုင်ငံလုပ်သံချပ်ကာယာဉ်များ 

 SSPP/SSA အဖွဲ့

 တပ်မတော်နှင့် ဝမ်ဟိုင်းဒေသတွင် တိုက်ပွဲများဖြစ်ပွားခဲ့စဉ်အတွင်း ခေါင်းဆောင်ဖြစ်သူ ပန်ဖနှင့် ခေါင်းဆောင်ပိုင်းအများစု ပန်ဆန်းသို့ သွားရောက်တိမ်းရှောင်ခဲ့ရဖူးသည်။ အပြန်အလှန်အကျိုးစီးပွားများ အတွက် ညှိနှိုင်းမှုများဆောင်ရွက်ခဲ့သည်။ ဝမ်ဟိုင်း၏နောက်ပေါက်မှတစ်ဆင့် ပန်ဆန်းသို့ဆက်သွယ်ရေးလမ်းထွင် ထားသည်။ ပန်ဆန်း၏ ရှေ့ကာအဖြစ်နေပေးမည်။ လိုအပ်သည်များထောက်ပံ့ကူညီပါရန် ညှိနှိုင်းသဘောတူထား သည်။ ဝမ်ဟိုင်းဒေသသည် မြန်မာနိုင်ငံအတွင်းပိုင်းသို့ ရောက်ရှိနေခြင်းကြောင့် မြန်မာ့တပ်မတော်၏ အချိန်မရွေး ချေမှုန်းခြင်းခံရနိုင်ကြောင်း သုံးသပ်လျက် “ ဝ ” တပ်ဖွဲ့နှင့် စစ်ရေးမဟာမိတ်ပြုကာ အားကိုးရှာထားခြင်းလည်း ဖြစ်သည်။

  

 

 

SSPP/SSA တပ်ဖွဲ့ဝင်များ လူ၊ လက်နက်တိုးပွားလာမှုကစဉ်းစားစရာဖြစ်သည်

 

 

KIO/KIA အဖွဲ့

  ဝမ်ပေါင်အိပ်မက်ရှည်ကို မက်ဆဲဖြစ်သည်။ ဗိုလ်ချုပ်ဂွမ်မော်က ဖေဖော်ဝါရီလ ၄ ရက်နေ့၊ ရွှေလီဆွေးနွေးပွဲတွင် ငြိမ်းချမ်းရေးစကားကို ပါးစပ်ကမချတမ်း ပြောခဲ့သော်လည်း ဖေဖော်ဝါရီလ ၅ ရက်နေ့၊ KIA တော်လှန်ရေးနေ့တွင် ဥက္ကဌ ဇောင်းဟရား၏မိန့်ခွန်းက ငြိမ်းချမ်းရေးနှင့်ဆန့်ကျင်ဘက်ဖြစ်သော KIO/KIA ၏ ရည်ရွယ်ချက်အမှန်ကို ဖော်ပြခဲ့သည်။ လိုင်ဇာ FM မှထုတ်လွှင်ခဲ့သည့် KIO ဥက္ကဋ္ဌ၏ တော်လှန်ရေးနေ့မိန့်ခွန်းသည် အမှန်စင်စစ် KIA ၏စစ်ရေးလှုံ့ဆော်မှုကြီးတစ်ခုသာ ဖြစ်သည်။ လူမျိုးကြီးဝါဒဟူသည့် စကား(၅)လုံးဖြင့် ကချင်များက ဗမာတို့အပေါ် မုန်းတီးမှုဖြစ်ပေါ်ရန်၊ ခံပြင်းစိတ်ကိုဖြစ်စေရန်၊ ဇာတ်နာအောင်ဖန်တီးသည့် အလိမ်အညာမိန့်ခွန်း တစ်ရပ်ကို ပြောကြားခဲ့ပါသည်။ စင်စစ် KIO/KIA ၏ ရည်ရွယ်ချက်မှာ ကချင်နိုင်ငံ/ဝမ်ပေါင်နိုင်ငံထူထောင်ရန် အတွက် လူမျိုးရေးလှုံ့ဆော်မှုများဖြင့်အကြံကြီးစွာ ဆောင်ရွက်နေခြင်းဖြစ်သည်။ နှုတ်ခမ်းစေ့ပြုံးပြနေသည်ကိုသာ ကြည့်၍ဆုံးဖြတ်မရနိုင်ပါ။ ပါးစပ်အဟကိုစောင့်ကြည့်ပါမှ အစွယ်ဖွေးဖွေးများမြင်ရမည်ဖြစ်ပါသည်။ သေချာအောင် ထပ်ကြည့်ပါက အစွယ်ကြားမှအသားစများပင်မြင်တွေ့ရပါလိမ့်ဦးမည်။ KIO/KIA အား အပေါ်ယံမကြည့်မိရန် လိုပါသည်။
KIO/KIA တို့ အနေဖြင့် တရုတ်နှင့် “ ဝ ” တပ်ဖွဲ့များ၏ ထောက်ပံ့မှုများ၊ သစ်၊ ကျောက်စိမ်း၊ မူးယစ်ဆေးဝါး ဝင်ငွေရရှိမှုများကြောင့် ဝမ်ပေါင်အိပ်မက်ကို စွန့်လွှတ်မည့်ပုံမပေါ်ပေ။ ရွှေလီဆွေးနွေးပွဲသည် KIO/KIA အတွက် အသက်တမျှအရေးကြီးသော စစ်ရေးထွက်ပေါက်ကြီးရရှိခဲ့ခြင်း သို့တည်းမဟုတ် နောက်တစ်လှမ်းမျှပင်ဆုတ်ရန် မြေမရှိတော့သည့် စစ်ရေးအခြေအနေမှလွတ်မြောက်ခွင့်ရခဲ့ခြင်းဖြစ်သည်။ တစ်နည်းအားဖြင့် အစိုးရနှင့် တပ်မတော် မှ ငြိမ်းချမ်းရေးလိုလားစွာဖြင့် KIO/KIA တို့အား ဆုတ်လမ်းဖွင့်ပေးလိုက်ခြင်းလည်းဖြစ်နိုင်ပါသည်။ Boxing စကားနှင့်ပြောရပါက လက်ရှိအချိန်သည် KIO/KIAတို့က တပ်မတော်အား time out ခေါ်ထားခြင်းနှင့်တူနေသည်။ အနားတောင်း၍ ပုဝါကူ၊ ရေရှူနေခြင်းဟုလည်းဆိုနိုင်သည်။ သက်လုံမှန်လာလျှင် ပြန်ထိုးဦးမည်မှာ သေချာလှပါသည်။

 

 

 

 

တရုတ်နှင့် “ ဝ ” တပ်ဖွဲ့ထံမှရရှိသော လက်နက်များဖြင့် အစိုးရကိုတိုက်ခိုက်နေသည့် KIO/ KIA တပ်ဖွဲ့ဝင်များ

တပ်မတော်
 နည်းလမ်း ၂ မျိုး စဉ်းစားရွေးချယ်နိုင်ပါသည်။ နည်းလမ်း(၁)အနေဖြင့် ပဋိပက္ခများအပေါ် အမေရိကန်နှင့် အနောက်အုပ်စုမှ ဝင်ရောက်စွက်ဖက်ခြင်းပြုမလာစေရန် အပစ်အခတ်ရပ်စဲရေးမှသည် ထာဝရ ငြိမ်းချမ်းရေးသို့ ဆက်လက်ဆောင်ရွက်သွားမည်လား(သို့တည်းမဟုတ်) နည်းလမ်း(၂)အနေဖြင့် သိရီလင်္ကာ နိုင်ငံတွင် တမီးလ်ကျားသူပုန်များကို အစိုးရမှ လက်စတုံးချေမှုန်းသကဲ့သို့ဆောင်ရွက်မည်လား၊ ယင်းနှစ်မျိုးစလုံး တပ်မတော်မှဆောင်ရွက်နိုင်ပါသည်။ CIA သတင်းများ၊ အင်တာနက်သတင်းများအရ ကချင်ပြည်နယ်တွင် မြန်မာ့တပ်မတော်မှ အသုံးပြုခဲ့သောလက်နက်များမှာ လက်ဝယ်ပိုင်ဆိုင်ထားမှု၏ တစ်စိတ်တစ်ပိုင်းမျှသာဖြစ်ပြီး ယခုထက်အစွမ်းထက်လက်နက်များစွာရှိနေမည်ဟု ယုံကြည်ရသည်။ ယင်းလက်နက်များအသုံးချလာပါက တိုက်ပွဲ သည် အင်မတန်မှကြည့်ကောင်းမည့်ပွဲဖြစ်လာပါလိမ့်မည်။
          ပြည်တွင်းသို့ ဝင်ရောက်ခွင့်ရလာသော ပြည်ပြေးတစ်သိုက်နှင့် ပြည်တွင်းမှ နိုင်ငံရေးလုပ်စားနေသူများက အသိဥာဏ်တစ်ထွာလောက်ကယ်နှင့် ညှာမထောက်ဟောတတ်လှစွာ ဆိုသည့်စကားအတိုင်း လူနှစ်ဦးစုမိက နိုင်ငံရေးတရားဟောပါသည်။ အစိုးရကိုဝေဖန်ပါသည်။ ကိုယ်ထင်ရာကိုယ်ပြော၊ ကိုယ်လိုရာကိုယ်တွေး အာဂ နိုင်ငံရေးသမားများဖြစ်ပါသည်။ ပြစ်မရှိပြစ်ရှာ၊ လမင်းကိုခွေးဟောင်လို့ ရွှေလရောင်ပြောင်မပျက်တယ် ထွန်းလျက်ပင်သာ ဆိုသည့်စာချိုးရှိပါသည်။ အကြံအဖန်နိုင်ငံရေးသမားများ၏ စနက်ကြောင့်လည်း တရုတ်အစိုးရမှ မြန်မာအစိုးရ၏ သဘောထားအပေါ် နားလည်မှုလွဲမှားနိုင်ပါသည်။
          အမှန်တွင် တရုတ်တို့ အစိုးရိမ်လွန်နေခြင်းသာဖြစ်ပါသည်။ ဒီမိုကရေစီစနစ်အရ ပွင့်လင်းမြင်သာမှုရှိခြင်း၊ နိုင်ငံတကာနှင့် ဆက်ဆံရေးတိုးမြှင့်လာခြင်းတို့အပေါ် မဟာဗျူဟာမိတ်ဖက်ဖြစ်သည့် တရုတ်နိုင်ငံက မိတ်ဆွေကောင်း ပီသစွာ ယုံကြည်မှုရှိရန်လိုသည်။ ယခုအချိန်သည် ဆွေမျိုးပေါက်ဖော်ရင်းနှီးမှုဆိုသည်ကို ဖော်ထုတ်ပြသရမည့်အချိန် ဖြစ်ပါသည်။ မြန်မာအစိုးရအပေါ် သံသယများမှတစ်ဆင့် တိုင်းရင်းသားအဖွဲ့အစည်းများအား ထောက်ပံ့အားပေးမှု များပြုကာ နယ်စပ်ဒေသတည်ငြိမ်မှုကို ဖျက်ဆီးစေခြင်းကသာလျှင် တရုတ်တို့အမှန်တစ်ကယ် စိုးရိမ်သည့်အတိုင်း မြန်မာအစိုးရဘက်မှ နိုင်ငံရေးသဘောထားပြောင်းလဲသွားနိုင်ပါလိမ့်မည်။ ယင်းအခြေအနေသည် တရုတ်တို့အတွက် ကြီးမားသည့်ဘေးကြပ်နံကြပ်အဖြစ်မျိုးသို့ ရောက်ရှိစေနိုင်မည့်အပြင် ပြူတင်းပေါက်များပိတ်ဆို့ထားခံရသည့် ဧည့်ခန်းတစ်ခုကဲ့သို့ သီးခြားဖြစ်တည်မှုကိုသာ ပိုင်ဆိုင်ရပါလိမ့်မည်။ အကျိုးဆက်တစ်ခုအဖြစ် မြန်မာ-တရုတ် နယ်စပ်ရှိ လက်နက်ကိုင်အဖွဲ့အစည်းများကြောင့် နယ်စပ်ဒေသတည်ငြိမ်မှုကို ဖျက်ဆီးခံရစေမည်သာမက ကိုယ်မွေးသည့်မျောက် ကိုယ့်ပြန်ခြောက်ဆိုသည့်စကားအတိုင်း ယူနန်ပြည်နယ်၏လုံခြုံရေးကိုပါ ခြိမ်းခြောက် ခံရမည့်အခြေအနေ ဆိုက်ရောက်စေနိုင်ကြောင်း ရှုမြင်သုံးသပ်ရပါသည်။                                               
                                                                                                                      

နိုင်ငံရေးသုတေသီတစ်ဦး

 

mgphonelay@yahoo.com မှ ပေးပို့လာသော ဆောင်းပါး ဖြစ်သည်။

 http://www.myanmartharkaung.net