သောကြာနေ့၊ မေလ 03 ရက် 2013 ခုနှစ် သျှမ်းသံတော်ဆင့် သတင်း - သျှမ်းသံတော်ဆင့်သတင်း
သျှမ်းပြည်မြောက်ပိုင်း မူစယ်ခရိုင်ရှိ ရွှေလီမြစ် တဘက်ကမ်းတွင် ဓါတ်ပုံလှည့် ရောင်းနေသော အရပ်သား လေးဦး အား RCSS/SSA မှ တိုက်ခိုက်ကာ ဖမ်းဆီးထားသည်ဟု စွပ်စွဲသည့် ကိစ္စမှာ
လူမျိုးရေးပြဿနာ ဖြစ်ပွားလာအောင် အစိုးရတပ်ကလှုံ့ဆော်နေခြင်းဖြစ် ကြောင်း ဒေသ အတွင်းတပ်မှူးတဦးက ပြောပါသည်။
“ကျနော်တို့ကို ဒီနေရာက နေ ဖယ်ထုတ်ချင်နေတာလေ။ သာမာန်အရပ်သား ပစ္စည်းရောင်းစားတဲ့လူကို ကျနော် တို့က ဖမ်းထားတယ်လို့ သူတို့စွပ်စွဲတယ်။ ပြန်လွှတ်ပေးဖို့တောင်းလာတယ်။ ကျနော်တို့က မဖမ်းရတာ ဘယ်က လူနဲ့ပြန်ပေးရ မလဲ။ ဒီအချက်ကို ဘမ်းပြပြီးဒေသတွင်းက ဗမာလူမျိုးတွေ ကနေ အထင်လွဲအောင်၊ ကျနော်တို့ကို တပ်စခန်းကနေ ဖယ်ခွါအောင် လုပ်ဆောင်နေတာဖြစ်တယ်” - စစ်ဒေသမှူး က ပြောပါသည်။
ဧပြီလနှောင်းပိုင်းက အထင်ကရ ခေါင်းဆောင်များ၏ သမိုင်းဝင်ဓါတ်ပုံများ လှည့်လည်ရောင်းချသူ ဗမာအမျိုးသား ၄ ဦးအား သျှမ်းပြည်တပ်မတော် RCSS/SSA မှ တိုက်ခိုက်သဖြင့် တယောက်သေဆုံးပြီး ၃ ဦးအားဖမ်းဆီး ထား ကြောင်း၊ ထို့ အတွက် RCSS ၏ မူစယ် ကိုယ်စားလှယ်ရုံးမှ တဆင့် အစိုးရတပ်ထံပြန် အပ်ပေးရန် ဗျူဟာမှူးက တောင်းဆိုကြောင်း၊ မေလ ၂ ရက်နေ့ အထိ RCSS/SSA က အဆိုပါဗမာ အမျိုးသား များ အား ပြန်အပ်ပေးခြင်း မရှိသောကြောင့် အစိုးရတပ်က အင်အား သုံးပြီး သျှမ်းတပ်၏ တင်းခါးတပ်စခန်းအား နေ့လည်ပိုင်းကဝင်ရောက် သိမ်းပိုက်ကြောင်း၊ အဆိုပါစခန်းကို ယနေ့ နံနက် ပိုင်းက စတင်ဖျက်ဆီးနေကြောင်း ဒေသအတွင်း သတင်း ရပ်ကွက်ကပြောပါသည်။
သီးခြားအတည်ပြုချက်မရသေးသည့်သတင်းအရ အဆိုပါ ဓါတ်ပုံရောင်းသည့် ဗမာအမျိုးသား ၄ ဦးသည် သာမာန် အရပ်သား ဟန်ဆောင် စစ်ထောက်လှမ်းရေးများဖြစ်သည်ဟု နီးစပ်သည့် အသိုင်းအဝိုင်းက ပြောပါသည်။
“ကျနော်တို့ ရွှေလီဒေသမှာ လက်နက်ကိုင်အဖွဲ့အစည်းတွေအရမ်းများတယ်။ သူတို့လူပျောက်တဲ့အကြောင်း တော့ ကျနော်တို့ ကြားတယ်။ ဘယ်နေ့ ဘယ်ရက် တိတိကျကျလဲတော့မသိဘူး။ ကျနော်တို့ကို လူထုက မုန်းတီးအောင် အကွက်ဆင် ဖန်တီးလိုက်တာ လို့ဘဲယူဆတယ်။ မကြာခင်တုန်းကလဲ မိုင်းရှူးဘက် ဗမာလူမျိုး တွေကို တပ်မဟာ ၁ (ဝမ့်ဟိုင်း) အဖွဲ့က နှင်ထုတ်နေ တယ် လို့ ဝါဒဖြန့်တယ်။ အခုလဲ ဒီအတိုင်းဘဲ” - ဟု အထက်ပါ အရာရှိက ဆက် ပြောသည်။
အဆိုပါပြဿနာကြောင့် နမ့်ခမ်းမြို့ဘက်မှ ခလရ ၁၉၀ နှင့် ၄၅ တပ်ရင်းတို့က RCSS ၏ အမှတ် ၇၀၁ နယ်မြေ ဘက်သို့ အင်အား ထပ်ဖြည့်နေသည်ဟု နမ့်ခမ်းမြို့ခံများကပြောသည်။
သို့သော် RCSS ၏ အမှတ် ၇၀၁ စစ်ဒေသ ဌာနချုပ် နောင်မတာ အား အနောက်ကြော (တရုတ်ဘက်ခြမ်းမှ) မှ ဖေါက်တိုက် ရန် အရပ်သားဝတ်စုံဖြင့် အစိုးရတပ်ဖွဲ့ (အင်အား ၃၀၀ ကျော်) ရောက်ရှိနေသည်ဆိုသည့်တရုတ် နယ်စပ်နေ သျှမ်းအရာရှိ ဟောင်း တဦး၏ ပြောကြားချက်များကိုမူ သျှမ်းသံတော်ဆင့်မှ သီးခြားအတည်ပြု ချက် မရသေးပေ။
အဆိုပါ ကိစ္စရပ်များကြောင့် သျှမ်းပြည်တပ်မတော်တာင်ပိုင်းတပ်ဖွဲ့အမည်ရ RCSS ၏ ရွှေလီမြစ်ဝှမ်းအခြေ စိုက် အမှတ် ၇၀၁ စစ် ဒေသ တပ်ဖွဲ့များနှင့် အစိုးရတပ်ဖွဲ့အကြား ယခုလဆန်းပိုင်းမှ စ၍ စစ်ရေးတင်းမာ လာနေခြင်းဖြစ်သည်။ “ပြဿနာမဖြစ် အောင် ကျနော်တို့ အထူးရှောင်ရှားပြီးနေလာခဲ့တယ်။ ရှောင်လို့မရ တော့တဲ့အဆုံးတော့ ရေလာရေ မီးလာမီး ရင်ဆိုင်ခုခံ ရတော့မှာပေါ့ ” - ဟု တာဝန်ရှိ အရာရှိတဦးကလည်း ပြောပါသည်။
No comments:
Post a Comment